Otbasylyq qúndylyq degen ne? Ajyrasudyng týp-tamyry qayda jatyr? Qazirgi jastar otbasyn saqtap qalugha nege úmtylmaydy?

“Euraziya әlemi” pikirsayys klubynda osynday manyzdy mәsele talqygha salyndy. “Postkenestik kenistiktegi otbasy instituty jәne otbasylyq sayasat” atty taqyryppen úiymdastyrylghan sharada osy mәselege qatysty ózekti pikirler ortagha salyndy.

Sayasattanushy Eduard Poletaevtyng aituynsha, elimizde otbasylyq qúndylyqtardy nasihattauda ýlken júmystar jýrgizilude. 
“2013 jyldan bastap qyrkýiek aiynyng әr jeksenbisinde Qazaqstanda otbasy kýni ótkiziledi. Byltyrghy jyldyng aqpan aiynda Qazaqstanda Bala qúqyghy boyynsha ókiletti institut qúrylyp, dәl sol jyldyng ayaghynda Qazaqstannyng 2030 jylgha deyingi Otbasylyq jәne genderlik sayasatqa qatysty tújyrymdamasy qabyldandy. otbasy qúndylyghyn arttyratyn bayqaular da túraqty týrde ótkizilip otyrady. Aytalyq, “Mereyli otbasy” últtyq bayqauyna qatysatyn janúyalardyng sany jyl sayyn artyp kele jatyr” dedi ol.

Óz kezeginde “Núr Otan” partiyasy Almaty qalasy boyynsha filialynyng tóraghasy Júldyz Omarbekova búghan qarsy uәj aitty. 
“Statistika basqasha sóileydi. Sondyqtan shyndyqtyng kózine tura qarau kerek dep sanaymyn. 
Jyl ótken sayyn elimizde ajyrasu sany artyp keledi.

Mysalgha 2012 jyly Qazaqstanda 47 598 ajyrasu tirkelgen jәne jyl sayyn artyp otyrghan. Dәlel kerek pe? 2013 jyly – 51 305, 2014 jyly – 54 438, 2015 – 
53 007 ajyrasu jaghdayy tirkelipti. Sayyp kelgen kezde elimizdegi әrbir tórtinshi otbasy aqyr ayaghy ajyrasyp tynady degen sóz. 
Mine, Qazaqstandaghy otbasylyq qúndylyq mәselesi turaly aitqanda osy sandardan attap kete almaymyz” dedi ol.

Al ghalym Evgeniy Pastuhovtyn aituynsha, neke turaly týsinikting ózi memlekettik dengeydegi dýniye. Búl morali mәselesi. Al morali mәselesine kez-kelgen memlekette sol elding әleumettik-ekonomikalyq jaghdayy әser etedi.

“Aytalyq, biz nege songhy kezderi kónildes pen toqal mәselesin jii talqylap kettik. Sebebi, qoghamdyq morali bizdi soghan iytermelep otyr” dedi Pastuhov. 
Taqyrypty týiindegen sayasattanushy Zәmir Qarajanov jiyngha qatysushylargha “Bizde otbasygha qoldau kórsete alatyn nendey dýnie bar?” degen saual qoydy. 
– Aytalyq, Qazaqstanda otbasymen birge demalatyn sauda oiyn-sauyq ortalyqtarynan basqa ne bar, aitynyzdarshy?Almatyda ótken Uniyversiada oiyndaghy elimizde otbasylyq demalysqa degen súranystyng joghary ekenin kórsetip berdi. Sayyp kelgende, búl әrbir otbasyly adamnyng aldynan shyghatyn saual. Otbasynmen birge qayda baryp demalugha bolady? Búl manyzdy dýniye” dedi sayasattanushy.

Abai.kz