«Bәiterek» últtyq holdingining enshiles kompaniyasy – Túrghyn ýy qúrylys jinaq banki halyqqa jospardaghydan 163%-gha artyq kredit berdi.

2014 jyly Túrghyn ýy qúrylys jinaq banki halyqqa kredit beru josparyn 163 %-gha artyq oryndady. Jyljymaytyn mýlik satyp alugha salymshylar alghan zaemnyng jalpy somasy 97 mlrd. 826 mln. tenge boldy. Ótken jyly Túrghyn ýy qúrylys jinaq bankinen 17 645 adam últtyq valutada kredit alghan.

QR Últtyq Bankining mәlimetteri boyynsha, 2014 jyly ekinshi dengeyli bankter 294 milliard 980 million tenge kredit bergen. Onyng 33% nemese 97 milliard 826 million tengesi QTQJB kliyentterine berilgen. 01.01.2015 j. jaghday boyynsha, qúrylysqa jәne ýy satyp alugha arnalghan ekinshi dengeyli bankterding kredit qorjyny 991 mlrd. 663 mln. tenge boldy. Onyng ishinde QTQJB-nyng ýlesi – 20,6% nemese 203 mlrd. 793 mln. tenge. Búl mәlimetter Túrghyn ýy qúrylys jinaq banki zaemdarynyng jyl ótken sayyn halyqqa qajet bolyp kele jatqanyn kórsetedi.

39,9% ýlespen, halyqtyng úzaq merzimdi salymdaryn tartu boyynsha da QTQJB jetekshi oryngha ie bolyp otyr. 2014 jyly 178 986 túrghyn ýy qúrylys jinaq sharty jasaldy. Búl 2013 jylghy kórsetkishke qaraghanda 68%-gha kóp. 2015 jyldyng 1 aqpanynda QTQJB salymshylarynyng jinaq aqshasy 252 mlrd. tengege jetti.

Bank «Qoljetimdi túrghyn ýi–2020» baghdarlamasyn jýzege asyru qarqynyn tómendetken joq. Bankting baspasóz qyzmetining habarlauynsha, QTQJB – baghdarlamanyng «Jas otbasygha arnalghan túrghyn ýi» jәne «Halyqtyng barlyq sanatyna arnalghan túrghyn ýi» atty eki baghytynyng operatory. Ótken jyldyng qorytyndysy boyynsha, jalpy audany 429,3 myng sharshy metr bolatyn túrghyn ýi (baghdarlamada qarastyrylghanday, orta eseppen alghanda, túrghyn ýidi paydalanugha beruding jyldyq jospary – 300 myng sharshy m.) nemese 7 033 pәter paydalanugha berilgen.

Túrghyn ýy qúrylys jinaq bankining aituynsha, 2015 jyly tengeley zaem beru júmystary belsendi týrde qolgha alynbaq. Bank bolashaqta da últtyq valutamen kredit beru kólemin arttyrugha niyetti. «Bankting barlyq aktivteri – tengede, mindettemelerge de últtyq valutada qyzmet kórsetiledi», – deydi bank ókilderi. Sondyqtan túrghyn ýy qúrylys jinaq jýiesi túraqty. Valuta baghamy ózgeristerining әseri joq.

Esterinizge sala ketsek, «Qazaqstannyng túrghyn ýy qúrylys jinaq banki» AQ – «Bәiterek» Últtyq basqarushy holdingi» AQ-nyng enshiles kompaniyasy. Holding ekonomikany damytu jәne әrtaraptandyrugha yqpal etu, investisiya tartu, klasterlerdi damytu jәne onyng enshiles úiymdarynda korporativtik basqaru jýiesin jetildiru maqsatymen qúrylghan.

Abay-aqparat.