Ýkim boyynsha, Nartay Dýtbaev memlekettik qúpiyany jariyalady jәne qyzmet babyn asyra paydalandy dep tanylyp, jeti jyl alty ay bas bostandyghynan aiyru jazasyna kesildi. Búghan qosa Dýtbaevtyng memlekettik lauazymdy qyzmet atqaruyna ómir boyyna tyiym salynyp, ony "general-leytenant" әskery sheninen jәne memlekettik nagradalarynan aiyrugha úsynys jasalghan.

"Dýtbaev isi" boyynsha sotqa tartylghan Rais Múratov pen Núrlan Hasen de tap osynday qylmys jasady dep aiyptalyp, ekeuine de bes jylgha bas bostandyghynan jәne ómir boyy memlekettik lauazymdy qyzmet atqaru qúqyghynan aiyru jazasy taghayyndalghan. Núrlan Hasenning memlekettik nagradalarynan aiyrugha úsynys jasalghan.

"Dýtbaev isindegi" songhy sottalushy Erlan Núrtaev "memlekettik qúpiyany jariyalaugha bolysty" dep aiyptalyp, ýsh jyl alty aigha bas bostandyghynan aiyru jәne memlekettik lauazymdy qyzmet atqaru qúqyghynan aiyru jazasy kesilgen.

Áskery sottyng aqparatyna qaraghanda, ýkim zandy kýshine әli enbegen.

Nartay Dýtbaev – Qazaqstan tәuelsizdigin jariyalaghaly beri ótken shiyrek ghasyrda sottalghan arnayy qyzmetting ekinshi basshysy. Birinshisi – arnayy qyzmetti eki ret basqarghan, al 2008 jyly "memleketke opasyzdyq jasady" jәne "memlekettik tónkeris jasaugha әrekettendi" degen aiyptar boyynsha syrttay sottalghan Álnúr Músaev. ÚQK basshylary retinde Músaev pen Dýtbaevtyng aty-jónin ÚQK saytynan alyp tastaghan.

Nartay Dýtbaev ÚQK-ni 2001 jylghy jeltoqsannan 2006 jylghy aqpannyng 22-sine deyin basqarghan. Ol oppozisiya jetekshisi Altynbek Sәrsenbayúlyn qastandyqpen óltiruge ÚQK-ning "Arystan" arnayy jasaghy qyzmetkerlerining qatysy bary anyqtalghannan keyin otstavkagha ketken. Dýtbaev otstavkagha ketken song ÚQK akademiyasynyng basshysy, preziydent Núrsúltan Nazarbaevtyng kenesshisi boldy, az uaqyt "Qazatomónerkәsibi" últtyq kompaniyasynyng viyse-preziydenti qyzmetin atqardy.

Abai.kz