Segizinshi qabattaghy pәterimning balkonynda temeki shegip túrghanmyn. Joghary qabatqa qaray salyp edim, bir boyjetken balkonnan asylyp, "suysiyd" jasaghaly jatyr! Tang atpay! Denem týrshigip ketti! Oibay, qúlap ketti! Dereu eki qolymdy tosyp, taldyrmash qyzdy qaghyp aldym.

– Oy aghay, múnynyz ne? – dep ókpeledi qyz.

– Keshiriniz, esiminiz?

– Aysha...

– Nege sekirip kettiniz? Jәisha?

– Jigitim aldap ketti. Basqa qyzben romandy bastap ketti...

– Soghan bola? Neghyp epopeya bastap ketpeydi?

– Qoyynyzshy, aghay... – degen ol jýgire basyp, mening pәterim arqyly ketip qaldy. Ýide eshkim joq bolatyn. Áyelim «jedel jәrdemde», týngi kezekshilikten qazir kelip qaluy mýmkin. Temekimdi endi tútata berip, joghary qarap edim. Álgi qyz taghy sekireyin dep jatyr. Oppa, sekirip te ketti! Qolymdy tosa qoyyp, qaghyp aldym.

– Tuu, aghay... – dedi ol búlqynyp. Qúshaqtap túrmyn. Jibere salsam, sekirip kete me dep... Sekendep qalghan qanday qyz ózi? Búl jastargha ne bolghan ózi? Jazda qol ústasyp, sekirip ketken qyzdar turaly estip, esengirep qalyp edim.

– Atynyz kim? – deppin sasqanymnan.

– Aysha.

– Sekirding be, jәisha?

– Tuu. Qoyynyzshy aghay! – degen ol búlqynghan son, jibere saldym. Ádemi qyz eken. Mýsini qanday? Baltyry qanday... Dir-dir etken tósi qanday... Osynday súlulyqty qúrban etpek pe? Oiym ongha bólinip, joghary qarasam, әlgi qyz...

– Jyndysyng ba? – dep aiqayladym.

– Ary túrynyzshy, aghay!

– Ýiinde eshkim joq pa?

– Kvartirantpyn!
Ol sekirip ketti, men qaghyp aldym. Qúshaqtap túrmyn. Denesi dir-dir etedi. Ne degen súlu qyz edi? Kóz janarymyz týiisip qaldy. Men onyng samay shashyn sausaghymmen ilip alyp, keri qayyrdym.

– Atynyz kim, qaryndas?

– Aysha.

– Sekirdiniz be, jaysha?

– Tuu, qoyynyzshy aghay...

– Sizdey súludy renjitken qanday topas?

– Bir dókeyding topasy! Meni aldap...

– Úmyt ony! Oghan ghashyq bolghansha, ómirge ghashyq bol!

– Men ony sýiemin...

– Sýiseng tiri bol! Ynjyq bolmay, iri bol!

– Tuu, qoyynyzshy aghay! Aghay deyim...

– Au?

– Meni nege qúshaqtaaap túrsyz?

– Oi, keshiriniz, kim edi esiminiz?

– Durak!

– Jep qoyayyn ba, ózindi turap-turap?

– E?

– Súlu ekensiz...

– Qoyynyzshy aghay...

– Áy, odan da, meni turap jemeysing be? – degen dauysqa jalt qarasam, әielim túr "svetofor" bolyp. Al, endi qútylyp kór, al endi týsindirip kór? Al endi qútylyp kór! Qúshaghymda qyz, kónilimde múz, al әielimning sózderinde túz...

Múhtar Sherim

Facebook-tegi paraqshasynan