Sәrsenbi, 2 Sәuir 2025
Janalyqtar 5796 161 pikir 21 Aqpan, 2018 saghat 09:31

Toqmәdy isi әli jalghasyp jatyr

Tarazda BTA Bankining búrynghy tóraghasy Erjan Tәtishevti óltirdi dep aiyptalyp otyrghan biznesmen Múrathan Toqmәdy isine qatysty sot prosesi jalghasuda. Býgin kuәgerlerden jauap alynyp jatyr, dep habarlaydy Baq.kz tilshisi.

Sot otyrysynda Múrathan Toqmәdiyding inisi Beken Imanqaliyevten jauap alyndy. Ol Toqmәdiyding 2000 jyldardyng basynda «Deputattyq korpus» úiymdasqan qylmystyq tobyn basqarghanyn aitty. Imanqaliyev 2002-2007 jyldar aralyghynda Múrathan Toqmәdiyding ýiinde túryp, әrtýrli júmys atqarghan.

«2000 jyldary Múrathan Toqmәdy angha shyqqandy únatatyn. Ony barlyghy tanityn, qúrmetteytin. Ol «Deputattyq korpus» kóshbasshysy bolatyn, sol topty basqaratyn. Onyng óz jigitteri, óz sportshylary bolatyn. Olar Toqmәdiyding ýiinde jii jinalalyp, tóbelesterge shyghatyn. Bireulerdi qorghap, bireulerden qaryzyn úryp-soghyp alatyn. Men ózim búghan qatysqan joqpyn. Biraq, Toqmәdiymen birge bolghandar solay aitatyn. Bir jerde jekpe-jek bolarda, olar kólikpen kelip ony kýtetin. Olardyng bronidalghan «Mersedes» kóligi bolghan. Barlyghy sol kólikpen shyghatyn», - dedi Imanqaliyev.

Beken Imanqaliyev Múrathan Toqmәdiyding ýiinde 2007 jylgha deyin júmys istegenin aitty. Odan keyin tuystar arasynda aqshagha baylanysty kiykiljing tuyndaghannan keyin júmysyn toqtatqan eken. Degenmen, kuәger Toqmәdiymen búrynghyday bolmasa da, ara-túra aralasyp túrghanyn jetkizdi. Imanqaliyev Toqmәdy men Múhtar Áblәzovti bir ret birge kórgenin aitty.

«Múhtar Áblәzovke keletin bolsaq... Qatelespesem, olar 2003 jyly kýzde skver ne sayabaqta kezdesti. Sol kezde men Áblәzovti tiridey bir-aq ret kórgen edim. Odan keyin ony tek teledidar arqyly kórdim», - dedi Beken Imanqaliyev.

Atap ótsek, Tarazda Erjan Tәtishevti óltirdi dep aiyptalyp otyrghan Múrathan Toqmәdy isine qatysty sot prosesi ótip jatyr. Osylaysha, 14 jyl búrynghy qylmys qayta tekserilude. Al, 11 jyl búryn biznesmen Toqmәdy dәl osy qylmysy ýshin jazadan sytylyp ketken bolatyn. Sol kezde qylmys abaysyzda jasaldy dep bekitilgen edi. Al juyrda Jambyl oblystyq sotynda Toqmәdiyden jauap alynyp, ol BTA bankining búrynghy tóraghasy Erjan Tәtishevti óltirgenin moyyndady. Sonday-aq, Múrathan Toqmәdy bankirdi óltiruge Múhtar Áblәzov tapsyrys bergenin aitty. Osylaysha, Áblәzov Erjan Tәtishevting óliminen keyin BTA bankin basqarghan. Osy qylmysyn Toqmәdy 2017 jylghy qazanda KTK arnasynan kórsetilgen filimde de moyyndaghan bolatyn.

Abai.kz

161 pikir

Ýzdik materialdar

46 - sóz

Qayrauly qara semser

Esbolat Aydabosyn 698
46 - sóz

Tilendiyev nege Tarazidyng qúlaghyn qyrshyp aldy?

Tóreghaly Tәshenov 2839
Anyq-qanyghy

Europagha Resey aumaghynsyz shyghu joly

Ashat Qasenghaly 2717
46 - sóz

Bizge beymәlim Baraq han

Jambyl Artyqbaev 1770