***
Áygili halyq aqyny Jambyl Jabaevke birde:
– Jәke, osy auzymen qús tistegen Qalmambetti jendim deysiz, qalay jendiniz ?! – dep súrapty bireu.
Sonda Jambyl:
– Ony men jengenim joq, atamyz Qarasay men Sýiinbaydyng aruaghy ghoy jendirgen! –dep jauap beripti. Osy әngimeni estigen Bauyrjan Momyshúly tebirene tandanyp:
– Qanday tereng jauap! Eger maghan bireuler: «Úly Otan soghysynda jaudy qalay jendinizder?» dep súraq qoysa, Jәkene úqsap: «Jaudy biz jengen joqpyz, ony jendirgen ata-babamyzdyng aruaghy ghoy!» dep jauap berer edim! – degen eken.

***
Birde, Bauyrjan Momyshúly poyyzben jol jýrip kele jatyp, Enbek Eri júldyzyn omyrauyna taqqan bir kisimen saparlas bolypty. Poyyz qozghalyp, úzaq jolgha bet alghan kezde Bauken:
– Al, endi tanyspaymyz ba, bir ýige tireu bolghanday boy-soyynyz bar eken, kim bolasyz? – depti.
Baukenning sózine beytanys qazaq ynyrana jauap berip:
– Kim ekenimdi kórmey otyrsyng ba, Geroy bolamyn! – deydi.
Búl jauap Baukene únamaydy da, qatqyldau ýnmen:
– Búl Batyr ataghyn ne ýshin aldynyz? – dep súraydy.
– Jýz biyeden jýz qúlyn alghanym ýshin! – depti beytanys qazaq.
Sonda Bauken:
– Ayghyr shapty, baytal tapty, oghan sening qanday qatysyng bar. Geroy ataghyn saghan emes, jýz biyege jýz qúlyn taptyrghan aighyrgha beru kerek edi. Tekke maqtanyp otyrsyn. Al, myna men Moskva týbinde – Volokalamsk tas jolynda qalyng jaudy jayratsam da, omyrauyma bir de medali taqqanym joq. Biraq, halyq qoyghan Batyr ataghym bar! – degen eken.
Osy sózdi estigende, beytanys qazaq qorbandap ornynan atyp túryp:
– Ah, Baukeng ekensiz ghoy, aghasy menen bir әbestik ketti, keshiriniz! – dep, Baukenning qolyn alghan eken deydi.

El auzynan jinap alghan Aqseleu Seydimbek

Abai.kz