Esim turaly...
Ótken ghasyrdyng 60-shy jyldarynan bastap dәureni dәuirlep, әlemge ataghy jayylyp, dýrkiregen әnshi bolypty. Kremliding ózi tamsana tyndap, konsertke tandap qosypty. Basyna baq qonyp, halyqtyng alaqanynda jýripti, tyndaushynyng qúlaq qúryshyn qandyryp, sheksiz qoshemetine bólenipti.
Súlu dauys pen erekshe talantyna ýlken-kishi, alys-jaqyn týgel tәnti eken. Qúrym halyqtyng ishinde Bayan atty boyjetken de bar zeyinimen әn tyndap jýripti, bar syryn Baltabay aghasymen bólisip. Osydan shanyraqta sәby tusa - atyn aituly әnshining qúrmetine qoyar edim dep izgi armanyn ayalay beripti.
Arada on jyldan asa uaqyt ótedi. Boyjetken inili bolypty. Auyldyng ýlkenderi jiylyp, bizding ýige "bauy berik bolsyn" aityp, týrli esim saylap kelgen. Sol kezde top aldyna shyghyp "Qúrmetti apa-atalar, balagha "Mýsilim" dep at qoy - talay jyl kýtken quanysh, sarghayghan saghynysh, ýkilegen ýmitim edi. Rúqsat etsenizder, joldy men alayyn?" depti. Qyzdyng qalauy "bolsyn" dep sheshipti kópshilik.
Tilegi qabyl bolghan әpkem meni jetelep muzyka mektebine aparghan. Myqty sheberden tandap dombyra alghyzghan. Kolledj ben konservatoriyanyng tabaldyryghyn attatty. Solay jolymyzdy muzyka salasyna búrghan. Magomaevtay bolmasaq ta, әnshining aty ýlgi retinde ýnemi aitylyp, sanamyzda janghyryp túrdy. Ákem internet degen nyghmetpen dos, monitorgha telmirip ýnilgen kýii әnshining talay konserti men interviuin qayyra kórip, songhy shyqqan kitabyn bir demmen oqyp, eski kumiyrimen qayta qauyshty. Alghan әserin dereu qaryndasy Bayangha jetkizdi. Sol jerde ekeuining de janary jasaurap, kónili bosap...
Bir kýni әkem "shyraghym, әri-beri jýrgende jolyng týsse, osy azamattyng basyna baryp dúgha etshi" degen. Sol amanaty býgin iske asty. Ázirbayjan halqynyng aituly azamattary jatqan qala ortasyndaghy kóne qorymda әigili Rashid Beybutov, Bulbul, Geydar Aliyev, әkeli-balaly Muslim Magomaevtar jatyr eken. Esimi beytanys qanshama túlghalar...
Últyn asqaqtatqan úl-qyzdardyng aldy әrdayym jaryq bolghay.
Mýsilim Ámze
Facebook-tegi paraqshasynan
