Qazaqstan Respublikasynyn
Densaulyq saqtau ministri
E.A.Birtanovqa!

Qúrmetti Eljan Amantayúly!

Býgin "Abay.kz" aqparattyq portalynan Transplantasiya boyynsha Respublikalyq koordinasiyalyq ortalyqtyng jetekshisi, búrynghy densaulyq saqtau ministri Jaqsylyq Dosqaliyev aghamyzdyng mәiit donorlyghyna týsinistikpen qaraugha shaqyrghan ýndeuin oqyp, bir auyz sóz aitqandy jón kórdim.

Men Auyt Múqiybek biyl 49 jastan astym. Qúdaygha tәube, densaulyghym jaqsy. El qatary Elime, últyma enbek etip kelemin. Aldaghy jerde qansha jyl tirlik keshetinimdi, qay uaqytta, qay jerde, qanday jaghdayda óletimdi bir Qúdaydyng ózi biledi. Degenmen, Alladan úzaq ómir súrsem, eluge tayaghanda әreng kórgen jalghyz qyzymnyng qyzyghyn jarymmen birge kórsem degen tilegim bar. Sonday-aq, ózim qolgha alyp istep kele jatqan Qazaq kóshine baylanysty mәselening týiini búdan da ary óz dengeyinde ong sheshilip, alysta jýrgen bes million qazaqtyng Atajúrtyna oralghanynyng kuәsi bolsam degen arman da meni úzaq ómir sýruge jeteleydi. Degenmen, múnyng bәri, taghy qaytalap aitayyn, bir Allanyng qúzyryndaghy sharua.
Hakim Abay:
"Adam - bir boq kótergen boqtyng qaby,
Boqtan sasyq bolasyng ólseng taghy" - degen ghoy. Demek, ólding -- bittin. El-júrtyng "Tereng qazyp, tekpilep kómuge" asyghady. Bir sózben aitqanda, "Ólgenning jazasyn kómgen beredi". Býkil deneng topyraqtyng astynda qalyp, shiriydi. Odan góri... búl turaly sәl keyinirek...
Aytpaqshy, Úly Abaydyng jan men tәnning ara qatynasyn anyqtap bergen taghy bir ataqty óleni bar emes pe edi,

"Kók túman - aldyndaghy keler zaman,
Ýmitti sәule etip kóz kóp qadalghan.
Kóp jyldar kóp kýndi aidap kele jatyr,
Sipat joq, suret te joq, kózim talghan.

Ol kýnder - ótken kýnmen bәri bir bәs,
Keler, keter, artyna iz qaldyrmas.
Sonyng biri - arnauly tausynshaq kýn,
Arghysyn bir-aq Alla biledi ras.

Aqyl men jan - men ózim, tәn - meniki,
"Meni" men "menikinin" maghynasy - eki.
"Men" ólmekke taghdyr joq әuel bastan,
"Meniki" ólse ólsin, oghan beki..."-dep keletin!?

Jaqsylyq Aqmyrzaúlynyng Ýndeuin oqyghan әr qazaqtyng oiyna birden Abay atamyzdyng osy óleni oralatyn shyghar deymin.

Qysqasy, danyshpan aqyn jannyng ózindiki, tәnning ózgeniki (Jerdiki) ekenin beker eskertpegen. Sol ýshin, Jaqannyng kóterip otyrghany óte oryndy hәm kerek mәsele!

Osynyng bәrin eskere  kelip, óz basym tómendegi oigha bel budym:
Allanyng qalauymen kýnderding kýninde Jer betindegi ryzdyghym tausylyp, miym óz júmysyn toqtatsa, óz basym ózge adamnyng ómirin ajaldan alyp qalu ýshin kerek bolyp jatsa, denemning kerekke jaraytyn qalghan bólegin beruge týk te qarsy emespin.
Eger, osy mәseleni retteytin qoldanystaghy Zang bolsa, sol Zang ayasynda jazbasha kelisimimdi beruge de dayynmyn. Jәne búl jóninde tuys-tughandaryma da ósiyet qaldyramyn.
Al, Zang bolmasa, ózge elderding tәjiriybesine sýiene otyryp, Zang qabyldaudy úsynamyn.
Tek, bir ghana shartym bar, mening dene mýshelerime múqtaj azamattyng menimen tanystyq, tuystyq baylanysynyng bolu-bolmauy shart emes, tek ÚLTY QAZAQ, DINI MÚSYLMAN adam bolsa bolghany!

Auyt Múqiybek

16.05.2018
Astana

Redaksiyadan: Qazaq kóshining janashyry, qogham qayratkeri, aqyn Auyt Múqiybek 2014 jyly tamyz aiynda qan tapsyryp, "Qan" degen óleng jazghan bolatyn.

Abai.kz