Redaksiyadan. Ótken aptada Qaraqalpaqstan astanasy Nókiste Aqtóbe oblysynyng kýni ótti. Sapar ayasynda Aqtóbe oblysynyng әkimi Berdibek Saparbaev pen Qazaqstannyng Ózbekstandaghy Tótenshe jәne ókiletti elshisi Erik Ótembaev bastaghan delegasiya osyndaghy Sorsha qorymynda jerlengen qazaqtyng úly aqyny Tólegen Aybergenovting basyna ziyarat etti. Elbasy Núrsúltan Nazarbaev «Bolashaqqa baghdar: ruhaniy janghyru» atty maqalasynda aitylghan ruhany janghyru mәselesi aqynyn ardaqtaudan bastalatynyn Aqtóbe oblysynyng әkimi osylay anghartty.

Jalpy Tólegen Aybergenovting kindik qany tamghan jer — Qaraqalpaqstannyng Qonyrat audany, «Tang núry»  auyly. Ákesi men eki sheshesi, «Apalarym» atty óleninde aitylatyn ýsh bauyry auyl irgesindegi «Dastan ahun» qorymynda jerlengen. 1967 jyly Almatyndan tughan jerine issaparmen barghan kezde kenetten auyryp, dýniyeden ozghan aqyndy әke-sheshesining qasyna qong turaly әngime bolghan. Biraq ony  Qazaqstannan izdep keletinder әurege týspesin degen niyetpen Nókistegi әuejay manyndaghy Sorsha qorymyna jerleu úigharylypty.

Áriyne, Qaraqalpaq jerine joly týsken adamnyng Tólegen Aybergenovting basyna soqpay ketetini siyrek. Degenmen bir  kezde eki el arasyndaghy qarym-qatynastyng oidaghyday bolmauy sebepti búnda Qazaqstannan arnayy keletinderding azayghany da ras. Ózbek elining tizginin ústaghan Shavkat Mirziyyoevting Elbasy Núrsúltan Nazarbaevty agha tútyp, bizding elge keng qúshaghyn ashqandyghynyng arqasynda keyingi kezde bauyrlas halyqtardyng arasynda barys-kelis, alys-beris kýsheye týsti. Biyl Qazaqstandaghy Ózbekstan jyly bolyp jariyalandy. Sonyng arqasynda qaraqalpaq jerine jol týsip otyr.

Sapardy aldyn ala pysyqtaghan jiynda Berdibek Mashbekúly aqtóbelik delegasiyanyng mindetti týrde Tólegen Aybergenovting basyna baru kerektigi turaly aitqan bolatyn. Sony estigen qaraqalpaq bauyrlar da tynghylyqty әzirlenipti. Aqynnyng beyitine barar soqpaqqa tas tóselgen. Beyitting jan-jaghyna oryndyqtar qoyylghan. Qúran oqylyp, gýl shoqtary qoyyldy. «Biz Aybergenovti úmytpauymyz kerek!», — dedi Berdibek Mashbekúly ayat oqyp bolghannan keyin,  — onyng ruhyna taghzym etu — mindetimiz». «Býgin beysenbi ghoy, — dedi sosyn moldagha búrylyp, — erteng júma kýni taghy kelip, bizding atymyzdan Qúran shygharshy». Sóitti de jón-joralghysyn jasady.

Qazaqstannyng Ózbekstandaghy Tótenshe jәne ókiletti elshisi Erik Ótembaev ózbek biyligimen kelise otyryp, ózbek jerindegi qazaq últyna qatysty  qasiyetti oryndardyng tizimi jasalyp jatqandyghyn aitty. Aybergenov beyiti solardyng qataryna kirmek.

Ayta ketu kerek, Berdibek Saparbaev pen Erik Ótembaev —  elimiz Tәuelsizdik alghaly aqynnyng basyna ziyarat etken alghashqy  lauazymdy túlghalar. Ózge sheneunikter de ýlgi alady dep senemiz.

Bauyrjan Babajanúly

Abai.kz