Jyloy audanynan bir kýresker paluan shyqty ma? Myqty dzudoshy men karateshy shyqty ma? En bolmasa Jyloydan shyqqan bir boksshyny atap bere alasyndar ma? Erterekte 4-auyldan Bauyrjan Ybyraev  degen bauyrymyz shyqqan bolatyn. Jәimen shәkirt tәrbiyeley bastaghan. Ony kótermelep, jaghdayyn jasap qoldau kórsetken eshkim bolmady. Amal joq, bokstyn baghy janbay ol boksshymyzdyn ómir jasy da qysqa boldy. A

uylgha qauqityp sapasyz futbol alanyn sala bergennen de birnәrse óne me? Sebebi, ony qadaghalap, rettep otyratyn jauapker bireu bolmasa, onyn bәri beker! Songhy shetel ýlgisimen salynyp jatqan futbol alandaryn qarap otyrsan, astynghy symdaryn myjyp-myjyp siyr kiretindey etip mayystyryp tesip tastaghan. Jәne bir auylda bolsa ekinshi auylda joq. Ózge auyldyn baldary ózge auyldaghy futbol alanyna baryp oynay almaydy. Sebebi, kýshteri ózderinen auyspaytyn "boeviyk" jastar bir-birin óz shekaralaryna jaqyndatpay qyryp salady. Ár auylda jastardy auyzbirlikke ýndep jatqan namysty agha buyndar jәne joq!

Jyloy audanyna myqty bapkerler men jattyqtyrushylar shaqyrtpay eshtene ónbeydi. Mysaly, barlyq jaghdayyn jasap Qanat Islamdy alyp kelsek, qúryghanda Qúlsaryda 5 jyl túraqtatsaq, artynda myqty shәkirtter qalar edi. Ardaq Nazarov sekildi ruhaniy bay bauyrlarymyzdy aldyryp, 5 jyl ústasaq ta, artta iz ben nәtiyje qalar edi ghoy. Qúr sporttyq keshender men ghimarattar salghannan eshtene ózgermeydi.

Bizge, bizdin úrpaqqa ústazdar jetpeydi, bizde ústazdar mýldem joq, bizge ústazdar auaday qajet! Jogharydaghy әkimder, osyghan qatty kónil bólinder! Áytpese, endigi jerde bәri kesh bolady, bizde úrpaqtan ayrylyp qalu qaupi bar. Mynanday eki kýnnin birinde bir-birin pyshaqtap jatqan ortada úrpaq ósip úrpaq damiy ma? Er balalarymyzdyn bәrin endigi jerde sportqa baulymasaq, qyzteke, pedofili sekildi baghytqa bir taban jaqyndap ketui mýmkin! Ýkimet, el bolyp otyryp boqmúryn balalarymyzdyn tentektikterin toqtata almasaq, niyeti men minezin ózgerte almasaq bizge ýlken syn! Búlargha ara týspesek, ertengi kýni múnday jastardan elim dep shyryldaghan Mústafa Óztýrik sekildi últshyl bórilerimizdi óltirip ketetin satqyndar ghana shyghady. Biz yqshamaudandaghy jastar tóbelesin mindetti týrde toqtatamyz! Bizge bir-birin qyratyn emes, eli jeri, últy ýshin túratyn altyn úrpaq qajet! Bizdin әr úrpaq, ertengi kýni el qorghaytyn bir-bir әsker! Bizge óskelen altyn úrpaqtyn namysty da ruhty bolghany manyzdy! Sondyqtanda, biz agha buyndar, búl mәselede barymyzdy salamyz! Qoldaytyn, qoshtaytyndaryn bolsa qane, boy kóterinder, habarlasyndar!

Búiyrsa, qyrkýiektin birinshi júldyzyn "Jyloy jastarynyn dostyq kýni" dep belgilep, ortalyq sayabaq manyna ýlken jinalys ótkizeyik! Búl el bolyp qolgha alatyn ýlken sharua! Búghan ýlken-kishi bәrin atsalysyndar! Nege biz irgesi sógilmegen ýlken el bola otyryp yqshamaudan tóbelesin toqtatugha qauqarsyzbyz? Joghary biylikte otyrghandar ay qarap otyr ma? Álde olargha qazaqtyn bir-birimen qyrylyp ólui kók tiyn ba? Osy mәselede audan әkimi ýlken jinalys úiymdastyruy kerek! Barlyq lauazymdy túlghalardyn basyn qosyp búl tyghyryqtan shyghatyn joldy izdeu kerek! Mysaly, eldin tynyshtyghy barlyq qúqyq qorghau qyzmetkerlerine tiyesili emes pe? Bir-birin ayausyz qyryp jatqan jastardyn problemasy әlde olardyn qúzyrlaryna kirmey me? Búl tek IIB-nin moynynda degenge men eshuaqytta qosylmaymyn! Bizde "terrorizmnin aldyn alu" degen sayasat pen kózqaras bar ma? Býgin óz bauyryna pnevmat, asa tapanshalarymen oq atyp, pyshaqpen tilgilep jatqan jastar óse kele eregespen, kek alu maqsatynda ózderine qarsy bir móltekaudandy týgel jaryp jiberudi iske asyrmasyna kim kepil? Sebebi, qazirgi tanda shekarasyz әleumettik interjelinin siqyrly uaghyzy kýshi boyyna simay buyrqanyp túrghan misyz jastargha ýiretpey jatqan bәleleri joq! Sondyqtanda, bәrindi Jyloy audanyndaghy shymbaygha batqan osy ózekti mәseleni toqtatugha shaqyramyn! Elde "shýkir tirimin, men barmyn" degen namysty, elin oylaytyn myqty jigitter bolsa, birauyzdan atsalysyndar!

"Jallghyzdyn ýni, jayaudyn shany shyqpas" degen, bir adamnyn shyryly ne sheshedi? Sondyqtanda, "jip birikse arqan, el birikse qalghan" degen qaghidamen bir jennen qol shygharayyq, aghayyn! Ózin qasqyr sanaytyn qazaq bauyrlaryma aytarym, bóltirikterindi dúrystap baulyndar! Ýiretilmegen bóltirik shiybóri-shakalgha aynalady. Al qazaq jazirasyn ónkey shiybóri qaptasa, onda bir kýni óz bóltiriginnin qolynan óldim dey ber!

Kózderindi ashyndar, oyanyndar bauyrlar! 

Túrar Shapqara

Abai.kz