Oralda ýlken dau bolyp túrghan Isatay-Mahambet eskertkishi mәselesi jәne onyng bolashaqta ornalasuy turaly Aqjayyqtyng abyzy, ardager jurnalist Tihon Álipqaliyev aghamyzben kezdesuding sәti týsti. Oblysqa tanymal qalamger Tihon aghamyz «Abai.kz» aqparattyq portalyna «Kólginov Isatay men Mahambetke MAY qyzmetkerining mindetin jýktemek pe?» atty kólemdi syny maqalasyn jazghan-dy.

Auzy dualy, sózi uәli aghamyzdan ózining syny maqalasyndaghy mәn-jaydy tolyghyraq bilu ýshin jәne Isatay-Mahambet eskertkishi turaly ózining oi-pikirin súraghan edim. Tihon aghamyz óz sózin taghy da qaytalap Isatay-Mahambetting eskertkishi Oral qalasynyng ortasynda, naqtyraghy temirjol vokzaly aldynda ornalasu kerek. Qos batyrdyng mýsinin qoyatyn ornyndy esh talqylaudyng jәne esh qorqudyng qajet joq. Chapaev eskertkishi iydeologiyalyq túrghyda eskirdi, ony qalanyng ózge jerine kóshirumiz kerek dep qadap aitty.

Qos batyr mýsinderi qala ortalyghynda asqaqtap túruy tiyis. Búl jerge halyq kelip demalyp bala-nemerelerine últ-azattyq kóterilis kósemderining qazaq halqy aldyndaghy eren erlikterin maqtanyshpen aityp, esimderin әr azamat dәripteuleri kerek. Al oqu oryndarynyng studentteri men mektep oqushylaryn osy jerge әkelip ruhaniy-tәrbiyelik sharalardy jii ótkizip túrulary qajet, sonda ghana halyq ruhtanyp, jastardyng patiottyq sezimderi artady deydi. Áytpese, oblys әkimdigi Isatay-Mahambet eskertkishin aidalagha zapravka qasyna saldyryp qos batyrdyng ruhtaryn benzinge ulatyp, olargha GAY qyzmetin jýktemekshi me?! Qu aidalagha eshkim barmaydy jәne júrt barmaytyn aidalagha qarjy shyghyndap demalys baghy salynbaytyny belgili. Úrpaqtary biz ýshin jandaryn qighan batyrlardyng ruhtaryn qorlatyp, mynaday kelensizdikke halyq bolyp jol bermeymiz dep ashyna oiyn jetkizdi. Jәne batyrlardyng mýsinderin jasaugha jergilikti jerding joghary bilikti sәuletshi, suretshi, tarihshy mamandaryn osy iske júmyldyru kerek, sonda ghana ol mýsinning halyqtyng kónilderinen shyghary sózsiz dep sózin týiindedi.

10 qyrkýiekte osy mәsele boyynsha BQO әkimining orynbasary, oblystyq tarihiy-mәdeny múralaryn, tarih jәne mәdeniyet eskertkishterin qorghau jәne memorialdyq taqtalardy ornatu mәseleleri jónindegi komissiyasynyng tóraghasy G.Ospanqúlovtyng qabyldauyna birge kirip halyqtyng úsynys-talabyn jetkizetin bolyp sheshtik. Eger halyqtyng úsynys-talabyna oblys әkimdigi kónil bólmey, isimiz onynan sheshilmegen jaghdayda Isatay-Mahambet eskertkishin Oral qalasynyng TJ vokzaly aldynda Chapaev eskertkishi ornyna ornalastyru ýshin jergilikti túrghyndardan qol jinap, QR Preziydentine hat jazamyz jәne aqparattyq qúraldardy qatystyryp jinalys pen baspasóz mәslihatyn jasaytyn bolyp kelistik.

Sóz arasynda Tihon aghamyz jergilikti jerding kópshilik ziyalylary qara bastaryn ghana oilap, Isatay-Mahambet eskertkishining orny dau bolyp jatyrghanda ýnsiz otyrghandaryna qynjylys bildirdi. Keterde Aqjayyqtyng abyzy osy mәseleni kótergen ýshin maghan, syny maqalamyzdy esh qaymyqpay jariyalaghan "Abai.kz» aqparattyq portalynyng basshysy men újymyna rizashylyghyn bildirip, aq batasyn berdi, júmystaryna tabys tiledi. Abyz aghanyng aq batasy qabyl bolsyn dey otyryp, «Áumiyn!» dep betimdi sipadym.

Shynynda jergilikti jerding aq shaghalasy, memlekettik marapatty ýiip alghan keybir aitys aqyndary men ghalymdary, jazushylary men jurnalisteri osynday úly iste nege ýnsiz otyr?! Álde olardy últ mýddesi esh qyzyqtyrmay ma? Ánsheyinde, jastardyng aldynda últjandy bolyp kórinip patriottyq tәrbie turaly búlbúlday sayraydy. Sózi men isteri eki jaqta bolsa, mynday ziyalylardyng qúndary jastar men halyq ýshin bir tiyn.

Talghat Qatauov

Abai.kz