Býgin QR Aqparat jәne kommunikasiyalar ministrligining úiymdastyruymen, «Zerde» Últtyq infokomunikasiya holdingi» AQ jәne Astana Hub halyqaralyq tehnoparkining qoldauymen «Digital Bridge» halyqaralyq innovasiyalyq forumy bastaldy.

QR Aqparat jәne kommunikasiyalar ministri Dәuren Abaev forumnyng ashyluynda sóz sóiledi.

«Forumgha 2500 mynnan astam qatysushy kelip otyr. Sonday-aq, әlemning aldynghy qatarly kompaniyalary men úiymdarynyng 200 jetekshisi, myndaghan investor men týrli startap joba avtory bar. Osylaysha algha qoyghan maqsatymyzdyng jýzege asuyna danghyl jol ashyldy. Óitkeni jobanyng basty iydeyasy – tyng iydeyalardan quat alyp ózara tәjiriybe almasu, Aziya men Europa tehnologiyalyq ortalyqtarynyng arasynda altyn kópir bolu», - dep atap ótti ministr forum ashyluynda.

Abaev Qazaqstanda jýzege asyrylyp otyrghan innovasiyalyq tehnologiyalar turaly aitty.

«Elimizde ózderiniz kórip otyrghanday býgin innovasiyalyq jýieler iske qosyluda. Erteng Preziydent halyqaralyq Astana tehnoparkin ashyluyn mәlimdeydi jәne búl qazirgi zamandaghy Qazaqstannyng tehnologiyalyq damuyndaghy jana kýnge ainalmaq. Biz Úly Jibek jolynyng múragerleri retinde Aziya men Europa arasynda sifrlyq kópir bolghymyz keledi. Qatysqandarynyz ýshin taghy da alghysymdy aitamyn. Tabysty júmys pen qyzyqty talqylau tileymin», - dep sózin týiindedi Dәuren Abaev.

Ayta ketsek, forumgha halyqaralyq IT-qoghamdastyq ókilderi, tehnologiya salasyndaghy belgili sarapshylar, kәsiporyn basshylary, tehnologiyalyq kәsipkerler men ózge de elderding memlekettik sektorlary ókilderi, ghalymdar, kәsipqoy sifrlyq әzirleushiler, sonymen birge venchurlyq kapitalister men investorlar qatysty.

Býgin Digital Bridge alanynda 50-den asa qazaqstandyq jәne halyqaralyq spiykerler sóz sóiledi, olardyng ishinde: Startup Genome bas diyrektory Jan-Fransua Gotie; CEO Hyperloop Transportation Dirk Alborn; Startap akademiyasynyng mentory jәne kenesshi, startap taqyryby boyynsha satylymgha eng kóp shyqqan kitaptyng avtory Bob Dorf; Galaktika jeke menshik gharysh kompaniyasynyng negizin qalaushy jәne iyesi Aliya Prokofieva; Priceline Group qosa negizin qalaushy Djeff Hoffman; venchurlyq kapitaldyng halyqaralyq firmasy Global Catalyst Partners tóraghasy jәne teng merdigeri Kamran Elahian bar.

Forum ayasynda «Sifrlyq ekonomika damuynyng jahandyq trendi jóninde dialogy» atty plenarlyq sessiyasy ótedi. Sonymen bige sifrlandyru salasyndaghy eng alghashqy Digital Bridge Awards jýldesi tabystalady.

Abai.kz