Qazaqstan halqynyng tilderi kýni merekesi qarsanynda QR Últtyq kitaphanasynda «Últtar birligi – úly baylyq» atty shygharmashylyq festivali úiymdastyryldy. Atalghan is-sharany «Adyrna» últtyq-etnografiyalyq birlestigi Qazaqstan halqy Assambleyasymen birlese otyryp Almaty qalasy Ishki sayasat basqarmasynyng qoldauymen ótkizdi.

Qazaqstan halqynyng birligi úrany negizinde «Birlik – bereke bastauy» atty jobanyng ayasynda ótken festivali barysynda etnoauyl kórmesi úiymdastyryldy.

Kórmege etnomәdeny ortalyqtardyng ókilderi últtyq naqyshta bederlengen búiymdaryn qoyyp, últtyq taghamdaryn kópshilikke úsyndy.

Sonday-aq, etnomәdeny birlestikterding shygharmashylyq újymdarynyng qoyylymy kórsetilip, ózge últ jastary arasynda «Til – tatulyq tiregi» atty bayqau bolyp ótti.

«Adyrna» últtyq-etnografiyalyq birlestigining diyrektory Arman Áubәkirov: «Memleketimizding negizgi tiregi – qazaq últy. Qazaqtyng mәdeniyetin, últtyq qúndylyqtaryn nasihattap, elimizde túryp jatqan últ ókilderin qazaq etnosy ayasynda biriktiru maqsatynda osy shara ótkizilip otyr. Osynday júmystardyng negizinde elimizde tatulyqty, birlikti, dostyqty saqtay alamyz jәne bir-birimizge degen syilastyqtyn, yntymaqtyng qalyptasuyna osynday festivalidar, bayqaular sebepshi bolady dep oilaymyn, - dedi.

Bayqaudyng shymyldyghy Chaykovskiy atyndaghy muzyka kolledji studentterining ónerimen ashyldy.

Sayysqa qatysushylardy Ahmet Baytúrsynov atyndaghy Til bilimi institutynyng diyrektory, filologiya ghylymdarynyng doktory, qazylar alqasynyng tóraghasy Erden Qajybek qúttyqtap, sәttilik tiledi.

Bayqaugha Erden Qajybek, Almaty qalasy Tilderdi damytu basqarmasynyng bas mamany Núrmúha Shaymerdenov, Temirbek Jýrgenov atyndaghy Qazaq últtyq óner akademiyasy «Teatr óneri» fakuliteti, «Sahna tili» kafedrasynyng dosenti Aygýl Naremgenova, «Úlan» gazetining bas redaktory Jadyra Narmahan, «Qamshy» aqparattyq agenttigining jetekshisi Bilәl Quanysh tórelik etti.

Sayysqa ózbek, orys, týrikmen, aughan, tәjik, kýrd, úighyr, týrik, nemis últynan 15 pen 30 jas aralyghyndaghy 10 talapker qatysyp, 3 kezeng boyynsha syngha týsti. Birinshi kezeng boyynsha biyl 125 jyldyghyn atap ótip otyrghan Alash qayratkeri, aqyn Maghjan Júmabaevtyng ólenderin jatqa oqu, ekinshi kezeng boyynsha «Últtardy úiystyrghan qazaq halqy» taqyrybynda esse oqu, ýshinshi kezeng boyynsha óz ónerlerin kórsetu tapsyryldy.

Qatysushylardyng barlyghy memlekettik tildi jetik biletinderin kórsetti. Qazaq tilinde taza sóilep, oilaryn erkin jetkize bilgen olar óz ónerlerin ortagha saldy. Bayqau qorytyndysy boyynsha qazylar alqasynyng sheshimimen birinshi oryndy orys últynyng ókili, QR Últtyq Úlan qyzmetkeri Aleksandr Mamykin jenip aldy. Úpay sany boyynsha algha shyqqan Aleksandr noutbukke ie boldy. Ózbek qyzy, qazaq memlekettik qyzdar pedagogikalyq uniyversiytetining studenti Feruza Súltanmúratova ekinshi oryndy qanaghat tútyp, planshet iyelendi. Al ýshinshi oryn týrik qyzy Rusalina Asiyevagha búiyryp, fotoapparat berildi.

Rusalina bayqaudyng eng jas qatysushysy boldy. Jasy nebary on beste. 9-shy synypty qyzyl attestatpen ayaqtap, 10-shy synypqa kóshipti. Almatydaghy №22 mektepting qazaq synybynda oqidy. Anasy Farida Asiyeva qyzyn alghashynda orys mektebine bergenin aitady. Alayda Rusalina qazaqsha oqitynyn aityp, qighylyq salghan song qazaq synybyna auystyrghan eken. Sodan beri týrik qyzy týrli bayqaulargha qatysyp, top jaryp keledi. Ózining ana tilimen qosa qazaq, orys, aghylshyn tilderinde erkin sóileydi.

«Mektepte alghan bilimim, ata-anamnyng bergen tәrbiyesi, atamnyng ónegeli aqylynan mening elime degen sýiispenshiligim arta týsti. Osynda tuyp-óskenime, memlekettik tilde sóilep, bilim alyp jatqanyma maqtanamyn. 9-shy synypty altyn attestatpen bitirgenime quanamyn jәne 11-shi synypty da «Altyn belgige» bitirip, Astanadaghy Nazarbaev uniyversiytetinde bilim nәrimen susyndap, elime paydasy tiyetin mamandyq iyesi bolghym keledi. Otanymyz – Qazaqstannyng әrdayym birlik pen tynyshtyqta ómir sýrgenin qalaymyn», - dedi Rusalina Aliyeva.

Bayqaugha qatysqan barlyq qatysushylar alghys hatpen jәne baghaly syilyqtarmen marapattaldy. Is-sharagha Qazaqstan halqy Assambleyasynyng mýsheleri, últtyq intelliygensiya, BAQ ókilderi, studentter men oqushylar qatysty.

Ayna Tóleutaeva

Abai.kz