Laulap janghan ot deydi,
Zarym nege jetpeydi?
Shyryldaghan bes sәbiy
Kóz aldymnan ketpeydi!..

Qysqa ma eding ómir-ay!
Qapa ma eding kónil-ay!
Otqa oranyp joq bolghan
Bes sәbiyding ólimi-ay!

Qaldy kimge jer kenip,
Kimge múnday «erkelik»?
Bir-aq týnde bes sәbiy
Ólgen dey me órtenip!

Ishim kýiip bara ma?
Sansyz súraq sanada...
Ólgen deydi bes sәbiy
Ana aty joq qalada!

Ol bir zúlmat týn eken,
Ajal kezip jýr eken.
Múnday kýige Qazaqty
Jetkizgender kim eken?

Kórgen kýni azap pa,
Kórgen kýni mazaq pa?
Nege Qazaq, júmyssyz,
Baspanasyz - Qazaq pa?..

Ayrylghan kim dininen,
Ayrylghan kim, Tilinen?
Ysylday ma qazaqqa
Suyq jylan ininen?

Nege Qazaq tonaldy,
Nege baylyq joghaldy?
Bes sәbiyding ólimi
Oylantar ma olardy?..

Dәrmensiz últ kekti me,
Úry, jemqor – epti me?
Janúshyrghan bes sәbiy
Otqa órtenip ketti me?

Ey, toymastar, toydyng ba,
Ey, qoymastar, qoydyng ba?
Bes sәbiyding ajaly,
Kim-kimderding moynynda?..

Júmash Kókbóri

Abai.kz