Bauyrjan Baybek qoldaugha zәru kópbalaly otbasylardyng alghashqy jarnasynyng tólemin subsidiyalau mýmkindikterin qarastyrudy tapsyrdy.

«Núr Otan» partiyasy qalalyq filialynyng kezekten tys konferensiyasynda Almaty әkimi Bauyrjan Baybek qúramyna memlekettik jәrdemaqy, adrestik kómek, әleumettik tólem, demeushilik kómek, enbekpen qamtu jәne basqalary engen qoldaudyng keshendi sharalaryn atap ótti.

«Qala jәne audan әkimdikteri túrmysy tómen kópbalaly analarmen kezdesuler ótkizdi, audandyq filialdar basshylarynyng esepti kezdesulerinen úsynystar týsude. Saraptama túrghyn ýy mәselesining barynsha ótkir túrghanyn kórsetti. Qarjy tapshylyghy saldarynan olardyng túrghyn ýy aludyng jenildetilgen baghdarlamasyna qatysugha da mýmkindikteri joq. Sondyqtan 4 jәne odan da kóp balalary bar otbasylardyng alghashqy jarnasynyng tólemin subsidiyalau mýmkindigin qarastyrghan jón», - dedi Bauyrjan Baybek.

Búryndary megapolis basshysy «Baqytty otbasy» atty kópbalaly analardyng ortalyghyn qúrudy, múnda olargha zannamalyq, psihologiyalyq kenester men reabilitasiyalyq kómek kórsetudi úsynghan bolatyn. Búl ortalyq bir tereze qaghidasy boyynsha júmys jasaydy jәne kópbalaly analar júmysqa ornalastyrylady.

Megapolis basshysy әleumettik әl-auqat, strategiya jәne budjet basqarmalaryna jәne basqa da qúzyrly organdargha bir apta ishinde osy mәsele boyynsha júmys jasaudy jәne naqtyly úsynystar aitudy tapsyrdy.

Ayta keterligi, Almaty budjeti әleumettik baghytqa negizdelgen jәne halyqty әleumettik jaghynan qamtugha bólinetin qarjy jyl sanap arta týsude. Qazirgi kezde budjetting 50%-dan astamy nemese 200 mlrd. tengeden astam qarjy densaulyq saqtaugha, bilimge, túrmysy tómen jandargha kómek kórsetuge, kommunaldyq shyghyndardy subsidiyalaugha, týrli jәrdemaqylardy tóleuge júmsaluda.

«Núr Otan» fraksiyasy mәslihatta týrli әleumettik mәselelerdi kóteredi. Olardyng úsynystarynyng barlyghy jergilikti atqaru organdarynda ong sheshimin tauyp, qalada iske asuda.

Mysaly, 2016 jyldan bastap partiya fraksiyasynyng bastamasy boyynsha bala baqshalar tólemderi 27 den 15 myngha azaydy. Búl maqsat ýshin budjetten jyl sayyn 3 mlrd. tengeden astam qarjy bólinedi, múnda 60 myng otbasy qamtylghan. Songhy tórt jyl ishinde memlekettik tapsyrys esebinen bala  baqshadaghy oryndar sany 3 ese artty nemese 4,7 mynnan 15,5 myngha ósti. Jalpy, bala baqsha oryndaryn subsidiyalau ýshin jyl sayyn 18 mlrd. tengeden astam qarjy bólinedi. Búl sifr ýsh jyl ishinde 2 ese ósti.

Túrmysy tómen kópbalaly otbasylardyng 11 synypqa deyingi balalary tegin tamaqtanady jәne olargha mektep formasy tegin beriledi. Múnday qajettilikterge jyl sayyn 800 mln. tengeden astam qarjy bólinude. Kópbalaly otbasylardyng 4 mynnan astam balalarynyng tegin demalysyn úiymdastyrugha jyl sayyn 230 mln. tenge qarastyrylghan.

Búlardan ózge, songhy 4 jyl ishinde partiya úsynysy boyynsha kópbalaly otbasylardyng mýsheleri, mektep, kolledj oqushylary JOO studentteri men zeynetkerler jolaqynyng jenildetilgen 50 payyzyn ghana tóleydi, búghan jyl sayyn 5 mlrd tengeden astam qarjy júmsalady. Jenildikpen 350 mynnan astam adam qamtylghan.

Partiya bastamasy boyynsha týrli ótemaqylar beriledi. Mysaly, 2,3 myng otbasynyn, onyng ishinde kópbalaly analardyng kommunaldyq shyghyndary óndirildi. Osy kategoriyadaghylardyng ýilerine eseptegish kommunaldyq qondyrghylardy ornatu shyghyny ótelude. Býgingi kýni 1000-nan astam otbasygha 50 mln. tengeden astam qarjylay kómek kórsetildi.

Abai.kz