Elordada kópbalaly otbasylargha keleshekte satyp alu qúqyghymen pәterler jalgha beriledi. Búl turaly býgin qala halqynyng aldynda esep bergen Astana әkimi Baqyt Súltanov aitty.

«Negizgi esepti bastamas búryn, jaqynda ghana kýlli qazaqstandyqtardyng qabyrghasyn qayystyrghan qayghyly jaghdaygha qatysty birer pikir bildirsem deymin. Bes býldirshinning qazasy bәrimizding ensemizdi týsirip, kónilimizge qayau saldy. Osy bir oqigha kópbalaly analardyng mәselesimen qatar, basqa da qordalanghan әleumettik problemalardyng bar ekenin kórsetti. Jasyrmaymyz, qauipsizdik túrghysynda jedel sheshuimiz kerek týiitkilder bar. Endeshe, bizding basty mindetimiz - osy kedergilerdi jong jәne múnday qayghyly jaghdaylardyng qaytalanuyna jol bermeu», - dedi qala basshysy.

Osy rette әkim  qala túrghyndarynyng kópshiligin alandatqan baspana mәselesin sheshu mehanizmin qarastyryp jatqandyqtaryn aitty.

«Onyng ishinde, kópbalalaly analargha pәterlerdi jalgha beretin bolamyz. Jalgha berip qana qoymay, ony birte-birte satyp aluyna mýmkindik jasaymyz. Yaghni, endi ay sayynghy manday termen tapqan qarjyny pәter iyesining qaltasyna salmaydy. Ony týbinde menshigine ótetin óz shanyraghyna qúyatyn bolady», - dedi B.Súltanov.

Derekkóz: QazAqparat

Abai.kz