Otandyq filantrop jәne professor Oralbek Botbay Mәskeude bilim alyp jatqan studentterge shәkirtaqy taghayyndady. Búl turaly «Jas túlpar» birlestigining baspasóz qyzmeti habarlaydy.

Resmy derekterge sәikes, býginde Qazaqstanda jastardyng sany shamamen 4 million adamdy qúraydy. Olardyng arasynda 2,3 million jas – qalada, 1,7 milliony auyldy jerlerde túrady. Jastardyng qoghamnyng energiyagha toly bóligi ekenin jәne ekonomika bolashaghyna salynghan investisiya ekenin eskersek, býginde әlemdik qauymdastyqta jastar sayasatyn damytugha, sonyng ishinde jastargha beriletin bilim granttary men shәkiraqylardy arttyru ózekti bolyp qaluda.

Osy bastamalargha sәikes 1964 jyly Mәskeude negizi qalanghan «Jas túlpar» qazaq jastar birlestigi arnayy bayqau úiymdastyrghan bolatyn. Bayqaudyng basty sharty – studentting ýlgerimi jәne motivasiyalyq esse. Bayqaugha barlyghy jiyrma ýmitker qatysty. Jobanyng basty maqsaty daryndy jastardyng basyn qosyp, olardyng arman-maqsattaryna jol ashu deydi úiymdastyrushylar. Biylghy bayqaudyng ereksheligi – Reseydegi qandastarymyzdyng qatysuymen aishyqtaldy.

Sóitip, qazylar alqasynyng úzaq kenesuinen keyin eki kýnge sozylghan bayqaudyng qorytyndysy boyynsha on bir student shәkirtaqy iyegeri atandy. Olar – Mәlika Shaykenova, Nargiz Qajykenova, Úljan Núghmanova, Gýldana Qylyshbekova, Almas Ysqaqov, Azat Múqarov, Núrsúltan Nauryzbaev, Núrzada Saqtaghanov, Aysha Asanjanova, Toqjan Orazghali, Aynúr Qiyasova.

– Búl bayqaudan alghan әserim erekshe. Qarsylastarym da osal bolmady. Ár bir qatysushy bilimdi. Bayqau joghary dengeyde úiymdastyrylghan jәne óte әdil ótti dep oilaymyn. Jastar jyly Qazaqstan jastaryna ýlken, әri tarihy mýmkindik berip otyr. Birinshiden, jastardyng ruhany jaghynan kemldenuine basa nazar audaru qajet. Ekinshiden, bilim mәselesin eskeru kerek. Jastar arasyndaghy qúqyqtyq mәdeniyetti, qoghamdyq tәrtipti kýsheytip, qúqyq búzushylyq pen sybaylas jemqorlyqqa mýldem tózbeushilikting qalyptastyru sharalaryna basymdyq bergen jón. Osynyng nәtiyjesinde memlekettik baghdarlamalardyng tiyimdiligi artady, – deydi jenimpaz Mәlika Shaykenova.

– Jastardy qoldau el ekonomikasynyng bәsekege qabilettiligin arttyrugha ýlken ýles qosady. Bizding taraptan jastargha әrdayym qoldau bolady. Býgingi bayqaugha Oralbek Botbaydyng ózi qatysyp, jalyndy jastarmen tanysty. Reseyde on eki myng qazaqstandyq studentterimiz bilim aluda. Jastar jylynda kreativti jobalarmen bólisuge bolady. Degenmen Mәskeude jastar jinalatyn arnayy ghimaratymyz joq. Búl bir ýlken mәselelerding biri. Eger el aghalarymyz shet elde jýrgen úshqyr oily, talantty jastargha kómek kórsetse núr ýstine núr bolar edi degen oidamyn. Býgingi dodagha qatysqan studentterge rizamyn. Barlyghy óte bilimdi. Osy orayda Oralbek Qojamjarúlyna oiy ozyq jastardy qoldaghanyna alghysymdy bildirgim keledi, – deydi.

Al jastardy arasynda manyzdy is-sharanyng ótuine úiytqa bolghan bilikti kәsipker, atymtay jomart Oralbek Botbay myrza da óz oiyn ortagha saldy

–  Biylghy jyly Jastar jyly osy orayda el aghasy bolyp jastargha qamqorlyq tanytudy paryz sanaymyn. Eki úlym da Mәskeude bilim alghan, sondyqtan múnda bilim alyp jatqan jastarymyzdyng jaghdayy maghan belgili. Kýni keshe elimizde ýlken ózgerister oryn aldy. Elu jylda el jana demekshi memleketimizdegi ózgerister elding damuyna negiz bolady degen ýmittemin. Biz ózimizding tarapymyzdan azamat retinde oghan atsalysuymyz kerek. Jastardy enbekke shaqyramyn. Enbek barlyghyn jenedi! – dedi Oralbek Qojamjarúly.

Aynúr Núrlanqyzy

Abai.kz