"Tәuelsizdik degen tәtti úghym" dep tәttilep sóileymiz ghoy. Biraq sol baqyt qalay keldi bizge? Núrsúltan Nazarbaev alyp berdi me? Joq әlde qandy kýres jýrgizip jýrip ózimiz aldyq pa? Qúday-au, sonau 91-de ýiimizge kelip túrghan qútty qonaqty esigimizden syghalatyp qoyghan kim edi? Bosaghadan attaugha batyly barmay biraz kidirinkirep, aqyry shydamy bitken Tәuelsizdigimiz esigimizdi aiqara ashyp ózi kirip kelip edi ghoy, estiyar aghayyn, esterinizde me? Biz Tәuelsizdikti ishtey ansadyq, biraq ony izdegemiz joq. Biz ony emes, ol bizdi ózi izdep tapty...

Qytaydaghy aghayynnyng bir әngimesi eske týsti. 91-de "KSRO qúlady" degen xabardy estigen boyda arghy betting qazaqtary kýnde bir restorangha jiylyp, jabylyp radio tyndaydy eken. Tarixy Otanymyz - Qazaqstan jeke el bolghanyn xabarlasa - juamyz dep shólmekterin kótere barady eken taghy. Sóitse, KSRO-nyng qúramynan ana el shyqty, myna el shyqty dep xabarlanyp jatady. Bizding jaqtan aqjoltay xabardy әne kýtedi, mine kýtedi. Jaz ótip, kýz keledi. "Mynalargha ne bolghan" dep alanday bastaydy. Sóitip jyl sony jaqyndaghanda baryp, zaryghyp kýtken xabarlaryn estip, sary mayday saqtaghan shólmekterin iship, "oy bauyrymdap" kórisip, ólgenshe iship mas bolyp, toq kónilmen ýilerine qaytady. Bizdegi bireulerding kelip túrghan baqtan ýrkip, qorqyp, keyinge shegerip jýrgenin alystaghy aghayyn týgil, ózimiz de bilgemiz joq.

Minekey, basymyzgha qút bolyp qonghan Tәuelsizdikpen 30 jyl óte shyghypty. Kónilge medet bolatyny: territoriyamyz tútas, memlekettik institutty qúrdyq, de-ire bolsa da Nazarbaev Preziydenttikten ketti. Endi qanday el bolmaghymyz - ózimizge baylanysty. Otyz jyl otbasylyq hәm budjettik biznesmenderdi tayrandatyp qoydyq. Asyldarymyz atylsa, artyn izdemedik. Azamattarymyzdyng qúqy janshylsa, bolyspadyq. Bireu bas kóterse, ol "biylikting adamy" dep senispedik. Memlekettik BAQ-tyng ótirigine senip, ýide tyghylyp "Datty" oqydyq t.b.

Otyz jylda "toydym" demegen jýiening taghayyndaghan adamyn saylaymyz ba? Joq әlde shiyrek ghasyr tamyr jayghan jemqorlyqty tamyrymen ýzip, qara baqyr sanap qalghan xalyqtyng әleumettik axualyn kóteretin, Adam degen atymyzdy ózimizge shekpen jauyp qaytaryp berip, azamattyq qúqymyzdy qadyr tútatyn Túlghany tandaymyz ba?! Ol Adam kim bolmaq? Qazaqty kim úshpaqqa shyghara alady?

Býgin uaqytsha Preziydent mindetin atqarushy Toqaev myrza otandyq partiya basshylaryn shaqyryp alyp, kenes ótkizdi. Ol partiyalardyng "dekorativti" ekeni әmbege ayan. Endi sol dekorativti partiya serkelerinen dekorativti ýmitkerler tizimin qúra ma?

Biylik Preziydenttikke ýmitker retinde Toqaevty úsynatyny xaq. Al biyliktegi jibi týzu jigitter ózin-ózi úsynugha dәrmeni jete me (әiteuir bir partiya atynan)? Qoghamnyng óz túlghasyn saylap, algha shygharugha pәrmeni jete me? Keleshek taghdyrymyzdy kimge senip tapsyra alamyz? Tandau - siz ben bizding qolymyzda!

Dina Elgezekting facebook paraqshasynan

Abai.kz