Elbasy Núrsúltan Nazarbaev Enbek jәne halyqty әleumettik qorghau ministri Berdibek Saparbaevty qabyldady.

Kezdesude Qazaqstannyng Túnghysh Preziydentine «Áleumettik qamqorlyq» atty jana әleumettik sharalardy týsindiru jónindegi ýkimettik júmys tobynyng qyzmeti turaly mәlimdeldi.

Núrsúltan Nazarbaev Berdibek Saparbaevtyng ministrlik aldyna qoyylghan mindetterdi sheshu ýshin mol tәjiriybesi men basqaru mashyghy bar ekenin atap ótti.

– Tәjiriybeniz kóp. Manyzdy júmystardy atqardynyz. Ýsh oblysty basqardynyz. Jaqsy júmys istediniz. Kóp sala boyynsha Aqtóbe oblysynyng kórsetkishterin kóterdiniz. Siz ministrlikke osy saladaghy júmystardy jaqsartu ýshin taghayyndaldynyz. Tәjiriybeli azamat kerek boldy. Halqymyzdyng iygiligi ýshin belgilengen mәselelerding bәrin sheshu qajet, – dedi Elbasy.

Berdibek Saparbaev Núrsúltan Nazarbaevqa ministrlik tarapynan qazaqstandyqtardyng túrmys dengeyin kóteruge baghyttalghan jana әleumettik sharalardy jýzege asyru ýshin atqarylyp jatqan júmystar jóninde әngimeledi.

Qazaqstannyng Túnghysh Preziydenti múqtaj adamdargha kómek kórsetu ýderisine tiyisti baqylau jasaudyng qajettigin atap ótti.

– Qazir әleumettik salagha bólinetin qarajat memleket tabysynyng jartysyna juyghyn qúraydy. Barlyq júmysty jýielendiru qajet. Eng aldymen, azamattarymyz júmys oryndarymen qamtylugha tiyis. Áriyne, belgili bir jaghdaylargha baylanysty júmys istey almaytyndar bar. Biz solargha kómektesuimiz kerek, – dedi Elbasy.

Sonymen qatar, B. Saparbaev ónirlerde túrghyn ýy mәselelerin sheshu jәne erekshe qamqorlyqqa múqtaj adamdargha qoldau kórsetu ýshin atqarylyp jatqan júmystar turaly bayandady. Ministr biznesting әleumettik jauapkershiligi qaghidatyn jýzege asyru ayasynda kәsipkerlermen birge qolgha alynyp jatqan sharalar turaly aitty. Berdibek Saparbaev, sonday-aq, kóshi-qon jәne kóp balaly otbasylar men oralmandargha qoldau kórsetu mәselelerine toqtaldy.

Sonynda Núrsúltan Nazarbaev ministrlik tarapynan atqarylyp jatqan júmystardyng manyzdylyghyna toqtalyp, belgilengen mindetterdi tiyimdi sheshu qajettigin atap ótti.

Abai.kz