Memleket basshysy júmys sapary ayasynda Aqtóbe medisinalyq ortalyghyna bardy. Qazaqstan Preziydentine medisinalyq klaster qúru tәjiriybesi jәne Aqtóbe oblysynyng ýlgisi boyynsha ónirlerdegi densaulyq saqtau salasynda klasterlik әdisti qoldanudyng perspektivalary jóninde mәlimet berildi.

Qasym-Jomart Toqaev «Halyqtyng densaulyghyn saqtau: sayasat, ghylym, bilim, alghashqy medisinalyq-sanitarlyq jәrdem tәjiriybesi» atty halyqaralyq ghylymiy-tәjiriybelik konferensiyadaghy bayandamasynda, últ densaulyghy memleketimizding basty baylyghy ekenin aitty.

– Elbasynyng tapsyrmasymen negizi qalanghan Aqtóbe medisina ortalyghy otandyq densaulyq saqtau salasynyng  әleuetin arttyrugha airyqsha ýles qosyp otyr. Býginde túrghyndar Núr-Súltan, Almaty qalalaryna barmay, shetelge shyqpay, osy ortalyqta neyrohirurgiya, balalar kardiologiyasy, transplantologiya salalary boyynsha sapaly em qabylday alady. Barlyq oblys osynday dengeyge úmtyluy qajet. Búghan әleuetimiz jetedi, – dedi Qazaqstan Preziydenti.

Memleket basshysy elimizde medisinalyq-demografiyalyq ahualdyng jaqsaryp kele jatqanyn atap ótip, tәuelsizdik jyldarynda Qazaqstan halqynyng sany 2 million adamgha, azamattardyng ómir sýru úzaqtyghy 6 jylgha óskenin aitty.

– Infraqúrylym aitarlyqtay janardy. 219 jana auruhana, 1200-ge juyq jana zamanauy emhana men ambulatoriyalyq mekemeler salyndy. Biz Birynghay últtyq densaulyq saqtau jýiesin engizdik. Býginde respublikalyq klinikalar búryn tek shetelde ghana jasalatyn kýrdeli operasiyalardy jasaydy, – dedi Qasym-Jomart Toqaev.

Qazaqstan Preziydenti densaulyq saqtau infraqúrylymyn odan әri janghyrtu, medisinalyq qyzmet pen dәri-dәrmekterding sapasyn jaqsartu jәne olardyng halyqqa qol jetimdi boluyn qamtamasyz etu, otandyq medisina ghylymyn damytu, sonday-aq, densaulyq saqtau jýiesin sifrlandyru jónindegi sharalargha egjey-tegjeyli toqtaldy.

– Alghashqy jәrdem adamdargha barynsha jaqyndatyluy tiyis. Sapaly medisinalyq qyzmet azamattardyng túrghylyqty jerine qaramastan bәrine birdey qol jetimdi boluy kerek. Sonymen qatar, aldaghy uaqytta qoghamdyq densaulyq saqtau qyzmetine jәne alghashqy medisinalyq-sanitarlyq jәrdemge bólinetin qarjyny, osy salagha júmsalatyn qarajattyng  jalpy kólemining 60 payyzyna deyin arttyru qajet. Nәtiyjesinde 2025 jylgha deyin aldyn alu sharalaryna ghana bólinetin qarjy Ekonomikalyq yntymaqtastyq jәne damu úiymy elderining dengeyine jetedi, – dedi Memleket basshysy.

Qasym-Jomart Toqaev 2019-2021 jyldary jeti ónirdegi 10 medisinalyq nysannyng qúrylysyna 120 milliard tengege juyq qarjy bólinetinin aitty. Sonymen qatar, aldaghy ýsh-bes jylda otandyq medisinany, sonyng ishinde auyldyq jerdegi auruhanalardy materialdyq-tehnikalyq jabdyqtarmen jәne kólikpen qamtamasyz etu mәselelerin tolyq sheshu kózdelip otyr.

– Medisinalyq qyzmetting qol jetimdiligi men sapasyna  baylanysty mindetterdi, dәrigerlerding mәrtebesi men bedelin kótermey jýzege asyru mýmkin emes. Biylghy 1 mausymnan bastap budjet salasy qyzmetkerlerinin, sonyng ishinde dәrigerlerding enbekaqysy jekelegen kategoriyalar boyynsha 30 payyzgha artady. Maman dayarlau sapasy boyynsha medisinalyq joghary oqu oryndary men kolledjderge talapty kýsheytu qajet. Múnda teoriyalyq baza ghana emes, sonday-aq, tәjiriybelik daghdygha mashyqtanu da manyzdy. Sondyqtan, ónirlik emhanalardyng bir bóligin medisinalyq joghary oqu oryndaryna beru kerek. Núr-Súltan, Almaty jәne Shymkent siyaqty iri qalalar joghary tehnologiyaly medisinalyq ortalyqtargha ainaluy tiyis, – dedi Qazaqstan Preziydenti.

Sonynda Memleket basshysy konferensiyagha qatysushylargha tabys jәne jemisti pikirtalas tiledi.

Abai.kz