«Aq jol» partiyasynan ýmitker Daniya Espaeva saylaualdy nauqan barysynda Shortandy auylyna at basyn búrdy.

Ýgit sharalary oblystyq aimaqtyq shtabtyng úiymdastyruymen ótti. Oghan respublikalyq shtab mýsheleri Dmitriy Vasiliev, Meruert Qazbekova jәne partiyanyng aimaqtyq belsendileri qatysty.

Daniya Espaevanyng saylaualdy ýgit toby A.Baraev at. astyq sharuashylyghynyng ghylymiy-ónerkәsip ortalyghyna bardy. Ortalyqtaghy súryptau zertteui nәtiyjesinde biday, arpa, tary jәne basqa da daqyldardyng 60-qa juyq jana týri shygharyldy. Otandyq súryptau sorttary kýnnen-kýnge óz qolanu ayasyn keneytip keledi.

Daniya Espaeva ortalyqtyng songhy jetistikterimen tanysyp, jana ashular jasau ýshin ghalymdargha ne qajet ekenin súrap bildi.

Búdan son, «Aq jol» partiyasynyng ýmitkeri Shortandy audanynyng budjettik qyzmetkerleri jәne kәsipkerlerimen kezdesti. Audandaghy 1300-dey adam shaghyn jәne orta biznespen ainalysady. Olardyng 40% nәzik jandylar qauymy. Audanda qyzmet kórsetu salasy jaqsy damyghan.

Daniya Espaeva saylaushylardy saylaualdy baghdarlamasymen tanystyryp, ekonomikanyng basym salalary ýshin tómendetilgen qosymsha qún salyghy mólsherlemesin engizu syndy úsynystaryn aityp ótti.

«Dәl osynday auyldyq eldimekenderde biznesti kóbine әielder ashady. Nandy pisiretin kim? Shashtaraz ashatyn kim? Súlulyq salonyn ashatyn kim? Áriyne, olar - dedi Daniya Espaeva. – Bizding ýgit  kezdesulerimizde men saylaushylargha baghdarlamamdaghy negizgi tústardy atap ótemin. Men ýshin, myna zalda otyrghan әielderding mening saylaugha úsynyluymdy ong qabyldaghany manyzdy. Ózimdi elimizding basty lauazymyna úsynu arqyly – men ózim ýshin ghana emes, barlyq qazaqstandyq әielder ýshin batyl qadam jasadym. Búl demokratiyagha degen qadam, sayasy jәne ekonomikalyq salada әiel adamnyng mýmkindigi er adamdarmen teng ekendigining kórinisi».

Ýmitker, sonday-aq, jergilikti túrghyndardyng súraghyna jauap berdi. Súraqtar jemqorlyqqa qarsy kýres, qoghamnyng әleumettik mәseleleri, kәsipkerlikti qoldau syndy taqyryptarda boldy.

Ýgit sharasy Aqmola oblysynyng ortalyghy Kókshetau qalasynda jalghasady.

Abai.kz