Qazaqstannyng әr týkpirinde óz isin abyroymen atqaryp jýrgen polsiya qyzmetkerleri bar. Qym-quyt tirshilikting tasasynda solardyng erlikteri eskerusiz qalyp jatady. QazAqparat oqyrman nazaryna solardyng bir parasyn úsynyp otyr.

2018 jyldyng 29 jeltoqsany. Keshki saghat 17.15. Soltýstik Qazaqstan oblysynyng Tayynsha audanyna qarasty Janadәuir auylynda mal baghyp jýrgen Núrdybek Shaydahmet úiytqyp soqqan borannyng kesirinen adasyp ketedi. Borannyng qatty bolghany sonshalyq, astyndaghy aty da baghdardan janylyp, yqtay bergen. Aqtýtek boranda qoldarynan keler qayran bolmaghan song tuystary polisiyagha jýgingen. Chkalov auylynyng poselkelik polisiya bólimi bastyghynyng orynbasary Aslan Dosmúqanov «Patriot» qyzmettik kóligine minip, joghalghan azamatty izdeuge bel buady. Qytaydan kóship kelgen qandasymyzdyng jerding qyr-syryn jetik bilmeytinin úqqan mayor basyn bәigege tige otyryp, aq týtekting arasyna attanady. Úyaly baylanystyng bolmauy, bas-kózge bastyrmalatqan qatty boran izdeushining de adymyn ashtyrmay, júmysty qiyndata týsken. Sóitip jýrip ormanshynyng ýiine jetken saqshy sonyng aituy boyynsha joghalghan malshyny tauyp, auylgha aman-esen alyp qaytqan.

Al Otyrar audandyq polisiya bólimining serjanty Jasúlan Pirimjanov ayaq astynan «kindik әke» atanghan. Kóligi búzylyp ayaghy auyr әielin auruhanagha jetkize almay qinalyp túrghan jigitti kórip, kómekke asyghady leytenant. Ay-kýni jetip túrghan әiel men kýieuin qyzmettik kóligine otyrghyza salyp, auruhanagha jetkizedi. Jolda әieldi tolghaq qysyp, polisiya qyzmetkeri ózi bosandyryp alghan. Jol ýstinde ómir esigin ashqan balanyng kindigin de ózi kesip, syrtqy kiyimine orap auruhanagha aman jetkizedi. Osylaysha, reydte jýrgen serjant ayaq astynan «kindik әke» atanghan.

Tóle by audanynda kriminaldyq polisiya bólimining uchaskelik inspektory Ispandiyar Temirbekov bolsa, auyl túrghyndarynyng malyn baukespelerden arashalaymyn dep jýrip 7 jerden jaraqat alghan. Audandyq polisiya bólimine malyn úrlatqan qariya aryzdanady. Jedel uәkil Ispandiyar Temirbekov kýdiktining kim ekenin anyqtap, ústau sharalaryna kirisedi. Kýdiktining izin týndeletip andyghan mayor taghy bir úrlyqtyng ýstinen týsedi. Úry polisiya qyzmetkerine sholaq myltyqtan bytyra jaudyrady. Jedel uәkil 7 jerden jaraqat alyp, auruhanagha týsedi. Óz ómirin tәuekelge tigip, qarapayym túrghynnyng malyn qorghap qalghan saqshy otadan keyin ghana aman qalghan. Ota tóseginen aman túrghanymen, bytyranyng 5 oghy denesinde qalyp qoyghan. Soghan qaramastan Ispandiyar Temirbeqov saptan shyqqan joq. Áli de halyqqa qaltqysyz qyzmet etip jýr.

Derekkózi: inform.kz

Abai.kz