Sheteldikterge qosymsha núsqaulyq-instruktaj

(Qara sózben jazylghan ólen)

Ejelgi Saq pen Ghúnnan miras qalghan, kýlli Týrkining otany, qasiyetti, kiyeli Úly Dalagha - Qazaq jerine hosh keldinizder! Qazaq elining arghy atasy Er Týrik, bergi atasy aibyndy Alash ekenin biluge әrkim-aq, mindetti! Búl topyraqty basqan adam, sonau Týrik Qaghanattarynan bizge jetken, ata-babamyzdyng qany men teri tamghan, myndaghan jyldar tarihy bar eldi, jerdi, asqarly-qarly taulardy, aidyndy-shalqar kólderdi, kóz jetpes keng baytaq Dalany kórgeni ýshin ózin baqytty sanauy kerek!

«Ár elding Zany basqa» dep Úly Babalarymyz tabystap ketkendey, bizder qazaqtardyng kerek deseniz eng jaqyn Týrki bauyrlarymyzdan da erekshelenip túratyn keybir jan-syrymyzdyng ózgeshelikteri bar! Bizder, qazaqtar Ata-Babamyzdyng aruaghyn qatty syilaymyz! Ata-babalardyng beyitteri, birge jýrgen zamandas-qaryndastar, ata-әjeler, agha-iniler barlyghy da biz ýshin kiyeli úghym! Ony eskergisi kelmegen kez kelgen jan tiyisti jazasyn alady! Óitkeni, myndaghan jyldar boyy qalyptasqan Úly Dala Zanynyng úshqyny keudemizde әli óshken joq! Árbir qazaq ózining jeti atasyn biledi, bar elimizding tuys ekenin anyqtap: «Qargha tamyrly Qazaqpyz!» degen. Bar Qazaqtyng qayda jýrse de, qay elde bolmasyn, tilinde ózgeris-dialekt joq... búl da bizge atadan qalghan amanat! Mysaly, maghrip pen mashriyqtyng araby, sol siyaqty eki tәuelsiz elding nemisi de bir-birin týsinbeydi de, al bizding qazaq bir qazaq!

Negizi, Qazaq momyn ekeni, qonaqjay ekeni ras, alayda, qorqaq emes, oghan ynjyqtyq jat! Jýzdegen jyldar boyy músylman bolyp kelgenimizben de, sharighatpen qatar, bizding ómirlik ústanymyzda babadan múragha qalghan Namys, Úyat, Obal, Sauap siyaqty adami-ahlaqtyq sezimder jýregimizde qosa jýredi! Oghan babalardyng «Malym janymnyng sadaghasy, janym arymnyng sadaghasy!» degen sózi kuә! Oghan búrynghylardyng «Beting kýigir» degen sózi kuә, óitkeni, aryn, betin joghaltqan adam, eshqashanda adam qataryna qosylmaghan! Oghan eshqanday polisiya, prokuror, týrmesiz-aq halqymyzdyng bar úly Dalagha ortaq, Namys atty Ómir Kodeksin qúra bilgeni kuә!

IYә, bizder otarlaudyng da qorlyq-qiyndyghyn kórdik, iyә, qazir, bizding halyqtyng keybir sorly ókilderi últymyzdyng salt-dәstýrine, dini-tili-diline jat, satqyndyq túrghyda shekesinen qaraytyny da ras. Biraq, negizgi qazaq bәribir sol qazaq! Solay jalghasa da beredi!

Búryn qazaqta memleket bolmaghan degen mýlde jeksúryn pikir! Bizding memleket sonau ejelden bastau alghan! Onyng jalghastyrushysy Shynghys Qaghanaty, sodan ataghynan әlem titirengen Joshyhan basynda túrghan Altyn Orda, Aq Orda bizding memleket! Kópshiligining atyn jatqa biletin, ardaqty, adal handarymyz, býtkil daudy eki-aq auyz sózben jarastyrghan dualy biylerimiz, әke-sheshesi, bauyrlary qarap túrghanda, solardyng kóz aldynda qan maydangha shyghyp opat-mert bolghan ataqty batyrlarymyzdyng aruaqtary bizdi qoldap jýretindigine senemiz. Keshegi, el ýshin sheyit bolghan barlyq erlerdi, songhy hanymyz Kenesaryny, Alash Ardaqtylaryn pir tútamyz. Ekinshi Dýniyejýzilik zúlmat Soghysta atalarymyzdyng eshkimnen yqpaghanyn maqtanyshpen eske alamyz! Mine, solardan jalghasqan Kók Týrikting piri - Kók Bórining qany, týisik-geni әli kýnge deyin keudemizde bar ekenin sezinemiz. Babalardyng armany bolghan, qazirgi tәuelsizdigimizge shyn quanamyz, baghalaymyz.

Osynday quanyshymyzdy birge bóliskenderdi dos sanaymyz! Baghalaghandardy asty-ýstine týsip kýtip, baghalay da bilemiz! Oghan elimizge kóptegen qiyndyqtar kórip aidalyp kelgen elderdi qúshaghyna tartyp, songhy týiir nanymen bólisken ata-әjelerimizding isi kuә! Qazir de eldegi san týrli últ ókilderin eshkim de bólip, shettetip kórgen joq, tek qana dәstýrdi syilasa boldy! Biz Qazaqpyz...

Azken Altay Jetysuskiy

Abai.kz