Arys qalasyn qalpyn keltiru júmystaryna Qyzylorda oblysynan qúrylys brigadalary attanghan bolatyn. Býgingi tanda 145 ýiding jóndeu júmystary ayaqtalyp, 102 ýy qalpyna keltirilude jәne 6 ýiding jóndeu júmystary bastaldy, - dep habarlaydy Abay-aqparat.

Arys qalasynda ornalasqan túrghyn ýilerding Qyzylorda oblysyna tiyesili №6 aumaqta 14 kóshe barlyghy 254 jeke túrghyn ýi, 5 әleumettik jәne 10 kommersiyalyq nysan ornalasqan.

- Arys qalasyn qalpyna keltiru júmystary aimaqtar arasynda 17 sektorgha bólingen, №6 uchaske Qyzylorda oblysyna bekitilgen – múnda 254 jeke túrghyn ýi, olardyng biri tolyq qalpyna keltirudi talap etedi jәne 15 nysan ornalasqan. Jóndeu júmystaryn jýrgizuge bizding oblystyng 20 qúrylys kompaniyasy júmyldyrylghan, barlyghy 186 adam júmys isteude. Shilde aiynyng sonyna deyin barlyq júmystardy ayaqtaudy josparlap otyrmyz, - dedi oblystyq qúrylys, sәulet jәne qala qúrylysy basqarmasynyng basshysy Múhamedisa Álserikov.

Jaqynda ghana oblys әkimi Quanyshbek Ysqaqov Arys qalasynda Syr ónirine bólingen nysandardy jóndeu júmystarymen tanysyp qaytqan edi.

Sonday-aq, 2019 jyldyng 9-18 tamyz aralyghynda Arys qalasynan 150 bala Qyzylorda oblystyq bilim basqarmasynyng "Oblystyq olimpiadalar men qosymsha bilim beru ortalyghynda" tegin demalady. Balalar ýshin psihologiyalyq treningter, taugha ekskursiyalar, týrli ýiirmeler úiymdastyrylady.

2800 astam memlekettik qyzmetshi, budjetten qarjylandyrylatyn mekemeler, qoghamdyq jәne ýkimettik emes úiymdar, kәsiporyndar, aksionerlik qoghamdar men seriktestikter, sharua qojalyqtary, jeke kәsipkerler men mesenattar qarjylay kómegin kórsetti.

Mәselen, «Araltúz» AQ Arys qalasynyng túrghyndaryna óz qarajaty esebinen bir kýndik jalaqy qorynan materialdyq kómek kórsetti. Sonymen qatar, zauyttyng 500-den astam qyzmetkeri «Araltúz» AQ basshylyghynyng bastamasyna qoldau bildirdi jәne zardap shekken túrghyndaryna kómek kórsetu ýshin bir kýndik tabysyn qosymsha qorgha audardy.

- Bizding kәsiporyn da әleumettik jauapkershilikti sezine otyryp, barlyq qazaqstandyqtar ýshin qiyn kezende otandastarymyzgha qoldau kórsetudi jón sanaydy, - dedi «Araltúz» AQ preziydenti Aydynbek Tauasarov.

Esterinizge sala keteyik, Arys qalasynda oryn alghan qayghyly jaghdaydan song Qyzylorda oblysyndaghy birqatar sharuashylyqtar men ónir túrghyndary gumanitarlyq kómek jiberdi.

Abai.kz