Biyl elimizdegi aituly janalyqtyng biri – 1 mausymnan bastap densaulyq saqtau jýiesi mamandary enbekaqysynyng 30 prosentke artuy boldy. Últ saulyghy – eng birinshi tehnikalyq mýmkindikke emes, sauatty mamangha baylanysty. Qazir elimizde dәriger tapshylyghyn joy maqsatynda auqymdy júmystar qolgha alynghan. «Diplommen auylgha» baghdarlamasy arqyly auylgha attanyp, memleket tarapynan qoldau kórgen jas mamandar osy sózding aighaghy. Qyzylorda oblysy – jas mamandardy qoldau kórsetkishi boyynsha respublikada aldynghy qatarda bolsa, ónirimizde baghdarlama iygiligin kórgen medisinalyq kadrlardyng basym bóligi – Janaqorghan audanynda. 

Ótken jyly Janaqorghannyng densaulyq saqtau salasynda «Diplommen – auylgha!» baghdarlamasy boyynsha 34 maman túrghyn ýi, 50 maman bir rettik kóterme jәrdemaqy alsa, biyl k. Audanda 17 auyldyq dәrigerlik ambulatoriyanyng barlyghy derlik jas mamandarmen qamtylghan. «Tar buyndy mamandar da jetkilikti, qazir tek reanimatolog-anesteziolog mamangha súranys bar. Jyl basynan beri Núr-Súltan, Almaty, Shymkent qalalarynda ótken jas mamandar jәrmenkesine qatysyp, birneshe kelisimshart jasastyq. Biyl oqu ornyn bitirgen jas mamandar júmysqa ornalasady degen oidamyz» dedi audanaralyq auruhananyng bas dәrigeri Yahiya Shorabaev.

Ayta ketu kerek, qazir eli­mizde dәriger tapshylyghyn joydyng sheshimi tabylghan. Ministrlik zang jobasyna ózgeris engizip, medisinalyq joghary oqu oryndaryn memlekettik grantpen tәmamdaghan jas mamandardy ónirge, auylgha baryp ýsh jyl júmys isteuge mindettedi. Al mamandar ónirlerge Enbek.kz. portaly arqyly bólinedi.

– Medisina salasynda ha­lyqqa sapaly qyzmet kórsetuge birden-bir әser etushi faktor – kadr. Bilikti kadrmen qamtamasyz etilgen, tolyq jaghdayy jasalghan medisinalyq mekeme ghana sapaly qyzmet kórsete alady. QR Túnghysh Preziydenti – Elbasy N.Nazarbaevtyng bas­tamasymen, әsirese eldi mekenderdi medisinalyq mamandarmen qamtamasyz etu jәne túraqtandyru ayasynda «Diyp­lommen – auylgha!» baghdarlamasy júmys istep keledi. Janaqorghan audanynda 2016 jyly osy baghdarlama ayasynda – 33, 2017 jyly – 38, ótken jyly – 33 maman túrghyn ýy kómegin aldy. Biyl elimizde jastargha airyqsha qoldau kórsetilude. Aldaghy uaqytta audan әkimshiligimen birlesip, osy júmystardy jalghastyra beretin bolamyz. Sonday-aq, osy jyldyng 1 mausymynan bastap, medisina qyz­metkerlerining jalaqylary artyp, mekememizding mamandary tolyqtay jana mólsherdegi jalaqy aldy, – dedi auruhananyng bas dәrigeri.

Emdeu mekemesinde diplommen auylgha kelgenderding aldy 8 jyldan asa túraqty enbek etip keledi.

Aydos pen Ásel – 2011 jyly «Diplommen – auylgha!» baghdarlamasy arqyly Janaqorghan audanaralyq auruhanasyna jú­mysqa ornalasqan erli-za­yyp­tylar. Memlekettik qoldau­dyng arqasynda keng әri jayly túrghyn ýige qol jetkizgen olar býginde ýsh balanyng ata-anasy.

– 2011 jyly ekeuimiz Ontýstik Qazaqstan memlekettik medisinalyq akademiyasyn bitirgen son, tughan jerge kelip, baghdarlama arqyly júmysqa ornalastyq. Ózimning mamandyghym terapevt bolsa, jarym Ásel Ermahanbetova – giynekolog. Jas maman retinde elding qoldauyn sezinip kelemiz, juyrda ekeumizding de jalaqymyzdyng kólemi artty. Ózim osy audandaghy Qyrkense auylynyng tumasy bolsam, Ásel – Shymkent qalasynyng qyzy. Ol da auyl ómirine tez ýirenisip ketti, bolashaghymyzdy da osy mekenmen baylanystarymyz, – dedi Aydos Sherniyazov.

Baspasóz tury barysynda biz keziktirgen baghdarlamagha ­qaty­sushylar – Elivira Raqym­janqyzy men Araylym ­Áshimova.

2009 jyly Almaty medisinalyq kolledjin ayaqtaghan Elivira 2015 jyly baghdarlamagha qatysugha ótinish bildiripti. Býginde ol jas analar mektebinde qyzmet etip, kýnine 15-20 kelinshekke jýktilik kezindegi qauipti belgiler, seriktes bosanu, tamaqtanu piramidasy, bosanghannan keyingi kýtim turaly kenes beredi.

Al Araylym – ózine qaras­ty aimaqtaghy 1714 túrghynnyng densaulyghyna jauapty jalpy tәjiriybelik dәriger. 2014 jyly  M.Ospanov atyndaghy Batys Qazaqstan memlekettik medisina uniyversiytetin bitirgen son, baghdarlama boyynsha osy emhanada enbek etuge mýmkindik alypty.

– Baghdarlama qatysushysy retinde jas mamandardy qoldau maqsatynda memleket tarapynan beriletin bir jolghy kóterme jәrdemaqy jәne túrghyn ýy kómegin aldym. Qazir búl emdeu mekemesinde túraqty qyz­met etkenime 5 jylgha juyqtady. Jalpy tәjiriybelik dәriger retinde tanertengi 08.00-13.00 aralyghynda túrghyndardy qabyldasam, týsten keyin kóshe aralau júmysyn jýrgizip, nau­qastardy, ayaghy auyr әielderdi baqylap, túrghyndardy skriningke shaqyramyz. Ózime qaras­ty aimaqta 1714 túrghyn bolsa, sonyng ishinde tuu jasyndaghy әielder sany – 449, 14 jasqa deyingi balalar  sany – 419, – dedi ol.

Biyl «Diplommen – auyl­gha!» baghdarlamasynyng iske as­qa­nyna – 10 jyl. Bayqa­gha­ny­myz­day, enbek jolyn auyldan bastaghasy kelgen, bilimdi, ózine senimdi jastardy memleket qoldaugha әzir. Búghan Janaqorghangha kelip, on jylgha juyq bir mekemede túraqty әri abyroyly qyz­met etken jas mamandar dәlel.

Aydana Júmadinova 

Abai.kz