"Qazaqstan preziydenti Qyrghyzstandaghy bolyp jatqan jaghdaydy múqiyat baqylap otyr. Memleket basshysy bauyrlas kórshi eldegi ahual Qyrghyz Respublikasynyng ishki sharuasy dep esepteydi. Qasym-Jomart Toqaev búl jaghday juyq arada elding qoldanystaghy zany ayasynda sheshiletinine ýmittenedi" dep jazghan Aqordanyng baspasóz hatshysy.

7 tamyzda Qyrghyzstannyng Koy-Tash auylynda elding búrynghy preziydenti Almazbek Atambaevty tergeu oryndaryna kýshpen jetkizu ýshin alyp ketuge barghan qyrghyz arnayy jasaghyna Atambaevtyng jaqtastary qarsylyq tanytqan. Janjal saldarynan, songhy mәlimet boyynsha, oq tiygen arnayy jasaqtyng bir qyzmetkeri qaza tauyp, 40-tan astam adam jaralanghan.

Atambaev búghan deyin tergeu oryndary qylmystyq iske baylanysty jauap alu ýshin ýsh ret shaqyrtqanda barmay qoyghan son, arnayy jasaq Koy-Tashtaghy onyng ýiine barghan. 8 tamyzda Atambaev ústalyp, Qyrghyzstan últtyq qauipsizdik memlekettik komiytetine jetkizildi.

Qyrghyz bas prokuraturasy Atambaevqa 2011-2017 jyldary biylikte bolghan kezinde "jemqorlyqqa bardy", "qyzmet babyn teris paydalandy", "zansyz bayydy" jәne "kәnigi baukespe Aziz Batukaevty týrmeden zansyz bosatugha qatysty" degen siyaqty jalpy sany bes aiyp taqqan. Atambaev ol aiyptardyng bәrin joqqa shygharyp, ózine qarsy isting sayasy astary bar dep mәlimdegen.

Biyl mamyrda Qyrghyzstan parlamenti búrynghy preziydentke tiyispeushilik turaly zangha ózgertuler engizgen. 27 mausymda parlament Atambaevty eks-preziydent jәne tiyispeushilik mәrtebesinen aiyrghan song tergeu oryndary Atambaevty jauap alugha shaqyra bastaghan.

Abai.kz