Redaksiyamyzgha arnayy kelgen bir top oralman jastar renishterin jetkizdi. Taraz qalasynyng Múhammed Haydar Dulaty atyndaghy Taraz memlekettik uniyversiytetining dayyndyq bólimin biyl bitirgen studentter әdildik izdep sabylyp jýr eken.

Redaksiyamyzgha arnayy kelgen bir top oralman jastar renishterin jetkizdi. Taraz qalasynyng Múhammed Haydar Dulaty atyndaghy Taraz memlekettik uniyversiytetining dayyndyq bólimin biyl bitirgen studentter әdildik izdep sabylyp jýr eken.

QHR-dan kelgen 40-qa juyq jastar bir jyl búryn atalmysh uniyversiytetting dayyndyq bólimine qabyldanady. Alayda býgingi kýni Taraz uniyversiytetining «elim, jerim» dep kelgen oralman jastardy qoldap, reti kelse kómek berip, qoldau ornyna tiyisti shәkirtaqylaryn da bermey, it әurege týsirip otyrghan qylyghyna qalay tanghalarymyzdy bilmedik. Student jastar osy uaqytqa deyin әr aidyng 20-sy men 23-i aralyghynda tiyisti shәkirtaqylaryn alyp kelgen. Al osy aida dayyndyq bólimining dekany Múhtar Erneshov myrza mausym aiynyng shәkirtaqysyn 7 shildede alatyndaryn, al studentterding Taraz qalasyndaghy tirkelu uaqyty 13 mausymda bitetinin jetkizgen. Shәkirtaqy shilde aiynsyz berilmeytinin aityp, jastardyng tezirek ketuine mýddeli bolghan uniyversiytet basshylyghy studentterden «JOO-gha shygharmashylyq emtihan tapsyru ýshin óz erikterimizben kettik» dep ótinish jazdyryp alyp qalady. Tirkelu uaqyty 13 mausymda bitip ketse, tiyisti shәkirtaqylaryn shilde aiynda qalay alugha bolatynyn da týsindiruden bas tartqan. Mausym aiynyng 13-i kýni asyghys qoldarynan qújattaryn jinap alghan uniyversiytet basshylyghy jataqhana qújatyn da alyp alghan song «endi sender jataqhana túrghyndary emessinder» degen jeleumen jataqhanadan quyp shyghady. Jataqhanadan quylghan jastar arttarynda qalyp bara jatqan shәkirtaqylaryna da qaray almay, týngi saghat 22:00-de avtobusqa mingenshe 4-5 saghat kóshede jýruge mәjbýr bolady. Kelesi kýni Almatydaghy jergilikti Kóshi-qon polisiyasyna tirkelu ýshin barghan jastar qoldaryndaghy qújattary boyynsha mausym aiynyng 25-ine deyin Taraz qalasynda jýre túru mýmkindikterining bola túra, uniyversiytet basshylyghynyng tezirek qútylugha nege asyqqanyn týsinbey dal bolady. Eger qújattaghy tirkelu uaqytyndaghyday 25 mausymgha deyin uniyversiytette jýre túrghanda tiyisti shәkirtaqylary da qolgha tiyetin edi ghoy. Osy orayda oralman jastar «Bizge deyingi dayyndyq bólimining studentteri de shәkirtaqysyn alar kezde osynday qiytúrtqy әreketterge tap bolyp, shәkirtaqysyn ala almaghan. Soghan dәndegen Múhtar myrza taghy da bizding shәkirtaqymyzdy qaltasyna baspaq niyette» deydi.

Sonday-aq uniyversiytet basshylyghy student jastardy qysqy demalysynda ata-analaryna baryp kelui ýshin de jibermegen. Onyng ornyna uniyversiytet újymynyng Nauryz toyy jasalyp jatsa da, «biz dayyndyq bólimi bólek toylauymyz kerek» degen jeleumen jan-jaqtan jinalghan barlyghy 80 studentten 4000 tengeden aqsha jinap alady. Oralman jastardyng biri Qayrat: «Studentterden jinalghan 320 myng tengege bir tayynsha soyylyp, 2-3 kiyiz ýy tigildi. Oghan jergilikti atqarushy biylikting әkimqaralary jaylandy. Al biz nauryz kójeden auyz tiymek týgil, irgeden syghalay da almadyq», - deydi. Osylaysha, studentterding ata-anasyna baryp qaytuy ýshin memleket tarapynan bólingen 5 myng tengening 4 myng tengesi Nauryz toyyn toylaugha júmsalyp kete barady. Osy orayda «uniyversiytet basshylyghynyng studentterden aqsha jinap, Nauryz toyyn úiymdastyruy qanshalyqty zandy?» degen súraq tuyndaydy. Studentterding 8300 tenge shәkirtaqysyna telmirgen uniyversiytet basshylyghynyng jaghdayy ashqúrsaq studentterden de tómen bolghany ma?! Onyng syrtynda týrli syltaularmen jii aqsha jinap alatyn uniyversiytet basshylyghy tipti sebep-saldaryn týsindiruge de tyryspaytyn kórinedi.

Tiribolsyn Omarbekúly, M.H.Dulaty atyndaghy Taraz memlekettik uniyversiytetining prorektory:
- Mausym aiynyng shәkirtaqysy 25-inen keyin beriledi. Sondyqtan olar kýtui kerek edi. Zang boyynsha olar 7 shildege deyin osynda jýrui kerek bolatyn. Alayda biz olardyng ózderining ótinishimen bosattyq. Ústazdarynyng balaghattap úrsatyny, aqsha jinaytyny jayly kezinde nege bizge kelip habarlamady? Býgingi kýni bitirip ketkennen keyin nege baryp sizderge aitady? Al nauryzgha aqshany óz erikterimen jinaghan. Onyng bәrin teksergenbiz. Ol zandy. Al sabaq uaqytynda júmys istese ózderining kitaphanasyn jinaghan shyghar. Ayta beredi olar. Men sizge «srazu» aitayyn, olardyng bәri saudager. Olargha «svoboda» kerek. Biz olardy tyrp etkizbey ústap otyrmyz. Sodan keyin «jaloba» jasaydy. Olar oqu ýshin emes, sauda jasau ýshin keledi. Biz ghana emes, ony Qazaqstannyng býkil JOO-lary aityp jýr.

Sabaq ýstinde birneshe ret oralman jastardy alyp ketip, park, kóshe, kabiynet, aryq suyn tazalattyryp, uniyversiytetting kitaphanasyn kóshiruge de osy jastardyng qol kýshin paydalanghan kórinedi. Biz de Iztileu Aytjanúlynyng «әnsheyinde studentterding sabaqtan qashpauyn qadaghalap jýrip, kez kelgen uaqytta júmys istetu ýshin studentterdi aldyna salyp alyp ketui qalay?» degen saualyna jauap taba almadyq. Taghy bir atap óter jayt, oralman jastargha týk qatysy joq uniyversiytettegi jinalystargha zaldy toltyru ýshin uniyversiytetke әli týspegen dayyndyq bólimining studentterin aparyp otyrghyzyp qoyatyn kórinedi. Al Jarbol Jarylqasynov atty ústazdyng qit etse oralman jastardy tómpeshtep alatyn qylyghyna ne dersiz?

Oralman jastardyng biri Erbol  Alshynbayúly: «Bәrin qoyshy, júmsasyn, aqshamyzgha deyin talap alsyn, shәkirtaqymyzdy da bermey, qaltasyna bassyn. Bәrinen búryn Múhtar Erneshov aghaydyng balaghattap úrsatyny janymyzgha batty. Sebepsizden-sebepsiz «onbaghansyndar, malsyndar, nadansyndar, topassyndar, senderge qarap ata-analarynnyng qanday ekenin biluge bolady» degen sózge sheyin aitatynday biz ne jazdyq? «Aldaghy keletin oralman jastargha kóresini kórsetem» deytindey bizding ini-qaryndastarymyz Múhtar myrzagha ne istep qoydy? Múnday pedagog joghary oqu ornynda júmys isteuge tiyisti emes dep oilaymyz. Maqsatymyz shәkirtaqy daulau emes, tek bizden keyingi ini-qaryndastarymyz bizding kórgenimizdi kórmese, olardyng atajúrtqa degen yqylasy ózgermese eken», - deydi.
Oralmandar ala almaghan shәkirtaqysyn «bastan qúlaq sadagha» dese de, oralman studentterding ózderine tiyesili qarajatyn alu kerektigi zandy nәrse. Ózim dep kelgen jastardy ózegine tepken Múhtar Erneshov siyaqty myrzalardyng әreketi «bir qúmalaq bir qaryn maydy shiritedinin» keri bolmasa eken.

Nәilә Tóleuqyzy, Jambyl oblystyq bilim departamentinin  mamany:
- Taraz  memlekettik uniyversiyteti joghary oqu orny bolghandyqtan bizge baghynbaydy. Olardyng júmysyn tikeley ministrlik baqylaydy.

Yqylas Shalghynbayúly, dayyndyq bólimin bitirushi jastardyng biri:
- Bizden basqa Shymkent, Kentau qalalarynda  oqyp jatqan oralman jastardan súrastyryp kórsek, jaghday mýldem basqasha. Jylyna eki mezgil demalysynda Qytaygha baryp qaytuy ýshin uaqtyly jolaqysy qoldaryna tiyip, viza ashyluyna da jaghday jasalady eken. Shәkirtaqylary da uaqtyly. Sonday-aq oralman jastarmen qarym-qatynasy da jaqsy kórinedi.

Quanysh ÁBILDÁQYZY

"Alash ainasy" gazeti  18 mausym 2009 jyl