• «Қазақстан темір жолы» АҚ 780 млн. доллар көлеміндегі облигацияларды мерзімінен бұрын өтеген;

• «Қаз Мұнай Газ» АҚ биыл 10 айда 2,6 млрд долларға мұнайға аванс беру бойынша міндеттемелерін төмендеткен;

• «Қазатомөнеркәсіп» Ұлттық компаниясы 2019 жылы қыркүйекте акцияларын биржаларға орналастырудан 128,2 млн доллар (ол шамамен 50 млрд теңге) қаражат тартқан;

Қор акцияларды сатудан түскен барлық қаражатты 2019 жылы 31 қазанда Қазақстан Республикасының Ұлттық қорына жіберген.

Ал сыртқы қарыздардан дер кезінде құтылу дегенде:

* Қорды тиімді басқарудың арқасы;

* Қарыз алу- әлемдік тәжірибеде бар, АҚШ-тың өзі әлемде сыртқы қарыз бойынша алғашқы орында тұр деп өзін-өзі жұбатудан гөрі, дер кезінде қаражатты беру маңызды;

* Сыртқы қарызды уақытында төлеп отыру коммерциялық құрылымдардың тиімді жұмысын көрсетеді;

* Бұрыннан қордаланған қарызды төлеу міндеттемесі аяқсыз қалмайды, оны ұлғайтпаудың механизмдері қарастырылып жатыр;

Жалпы қордың алғашқы дағы берешегі 10 млрд АҚШ долларынан асқан. Ахметжан Есімов келгеннен соң, екі жылдың ішіндн оның 5 млрд долларға жуығы қайтарылыпты. Сонда да осы жерде туындайтын заңды сұрақ: бұл қайдан шыққан қарыз?

Сарапшылардың айтуынша, мұндай қомақты қаражат экономикалық даму көрсеткіштері жақсы кезеңде, мұнай бағасы 100 АҚШ долларынан асып тұрған кезде алынған. Ішкі жағдайды реттеуге мүмкіндік болса тұра сырттан кредитке алынған қап-қап ақшаны енді міне мұнайдың бағасы құлдыраған кезде қайтарып жатыр қазіргі жауаптылар. Ұлттық қордың ақшасы ішкі экономикалық қажеттіліктерді өтеуге жеткілікті болса да, кредитке құмар үкімет үсті үстіне ақшаны пайызбен ала берген бе?!

Әмірболат Құсайынұлының әлеуметтік желідегі парақшасынан

Abai.kz