Президент Қасым-Жомарт Тоқаевтың бұйрығымен Қалмұханбет Қасымов мемлекеттік күзет қызметінің бастығы болып тағайындалды. Осыған орай ол президент жарлығымен президент кеңесшісі және Қауіпсіздік кеңесінің хатшысы қызметінен босатылды. Бұл туралы Ақорданың баспасөз қызметі хабарлады.

62 жастағы Қасымов былтыр 12 ақпанда президент кеңесшісі және Қауіпсіздік кеңесінің хатшысы қызметіне тағайындалған. Оған дейін 8 жыл ішкі істер министрлігін басқарды.

Ал бұған дейін мемлекеттік күзет қызметін басқарған Әнуар Садықұлов ұлттық қауіпсіздік комитеті төрағасының орынбасары болып тағайындалды. Сонымен қатар, мемлекеттік күзет қызметінің орынбасары Әзімхан Жүсіпов те қызметінен босатылды.

Abai.kz