Түркияның сыртқы істер министрлігі 23-наурызда Ресей елшісін шақыртып, Сириядағы жағдайға байланысты наразылық білдірді. Түркиялық тарап Алексей Ерховқа Идлибтегі жағдайға байланысты түсініктеме беруді талап еткен.  

"Сириядағы жағдайды талқыладық. Біз ресейлік тарапқа алаңдаушылық танытқанымызды білдірдік. Біздің әскерилеріміз де алаңдаушылық білдіріп отыр", - деді Түркия тарапы.

Ресей ұшақтары Сирияның Идлиб аймағында содырларға соққы жасап, салдарынан аурухана мен бейбіт тұрғындар тұратын нысандар да бомбаланған. Түркия шекарасы маңына жақын аймақта қақтығыс күшейді. Анкара оқиғаның ушығып кетуінен сақтанып, алаңдаушылық танытуда.

Abai.kz