Ресей президенті Владимир Путин мен оның қырғызстандық әріптесі Садыр Жапаров 24 мамырда Сочиде келіссөздер өткізеді. 

Талқылауға арналған негізгі тақырыптардың ішінде екіжақты күн тәртібіндегі мәселелер және Қырғызстан мен Тәжікстан шекарасындағы жағдайдың ушығуы болмақ.

Бұл екі ел басшыларының екінші кездесуі. Соңғы рет олар үш ай бұрын, 24 ақпанда Мәскеуде кездескен еді.

Кремльдің баспасөз қызметі осы келіссөздер барысында мемлекет басшыларының стратегиялық серіктестік пен одақтастықтың, сондай-ақ Еуразиялық кеңістіктегі интеграциялық бірлестіктер шеңберіндегі өзара іс-қимылдың әрі қарайғы дамуын қарастыруды жоспарлап отырғаны туралы хабарлады.

Abai.kz