АҚШ Конгрессінің сенаты сейсенбі күні ғылыми зерттеулер мен жоғары технология өндірістерін қаржыландыруға 250 миллиард доллар бөлуді қарастыратын заң жобасын мақұлдады.

Мақсат - Құрама Штаттардың инновация саласындағы көшбасшы мәртебесін сақтап қалу, Қытай бәсекесіне төтеп беру.

50 миллиард доллар АҚШ-тың жартылай өткізгіш желілері өндірісін дамытуға жұмсалады. Коронавирус пандемиясы кезінде нарықтағы бұл саланы Қытай жаулап ала бастаған.

Жүздеген миллиард доллар мемлекеттік зерттеу орталықтарына, технология саласындағы жобаларды жүзеге асыратын жекеменшік фирмалар мен университеттерге бөлінеді.

Заң жобасын 68 сенатор қолдады, 32 сенатор қарсы шықты.

Осы тәріздес заң жобасын Өкілдері палатасы талқылап жатыр.

Abai.kz