Қазақстанда ПТР анализдерін қолдан жасау және сату фактілері бойынша 23 қылмыстық іс қозғалды. Бұл туралы министрлік өкілі хабарлады. 

"Жыл басынан бері полиция ПТР анализдерін қолдан жасау және сату фактілері бойынша 23 қылмыстық іс, ал вакцинация паспорттарын қолдан жасау фактілері бойынша 4 қылмыстық іс қозғады", - деді ІІМ бірінші орынбасары Марат Қожаев ведомствоаралық комиссияның отырысында.

Вице-премьер Ералы Тоғжанов Ішкі істер министрлігіне ПТР мен вакцинация паспорттарының нәтижелерін бұрмалаумен айналысқан адамдарды анықтау және жауапкершілікке тарту бойынша жұмысты күшейтуді тапсырды.

Abai.kz