ҚТЖ-ға қарасты филиал директоры парамен ұсталды
Сыбайлас жемқорлыққа қарсы қызмет ҚР Бас көлік прокуратурасымен бірлесіп жүргізген іс-шаралардың нәтижесі бойынша "ҚТЖ "ҰК" АҚ "Магистральдық желі дирекциясы" филиалының Жол және құрылыстар департаментінің директоры ұсталды, - деп хабарлайды Tengrinews.kz.
Ол ұзақ уақыт бойы жүйелі негізде ақшалай қаражат алып келген деген күдікке ілінді. Жалпы 5 миллион теңгеден аса қаражат алынды.
Соттың санкциясымен күдікті қамауға алынды. Кінәлілік туралы түпкілікті шешімді сот анықтайды. Өзге ақпарат тергеу мүддесіне байланысты жария етуге жатпайды.
Abai.kz
