Түркияда өоман өрттерінен кейін алапат су тасқыны келуде. Қара теңіз жағалауындағы провинцияларда су тасқыны салдарынан 17 адам қаза тапты. 

Кастамону провинциясында су тасқынынан 15 адам, Синопта екі адам қаза болған. Апаттар мен төтенше жағдайларды жою басқармасы (AFAD) зардап шеккен аудандардан тікұшақтар мен қайықтар арқылы 1400-ден аса адам эвакуацияланғанын және 740-қа жуық адам студенттік жатақханаларға орналастырылғанын хабарлады.

Су тасқыны салдарынан энергетикалық инфрақұрылым бұзылған, нәтижесінде 330-ға жуық ауыл электр жарығынсыз қалды. AFAD мәліметтері бойынша, бес көпір қирап, жолдардың жабылуына әкелген. Ел президенті Режеп Тайып Ердоған су тасқынынан зардап шеккендерге көңіл айтты.

Abai.kz