"Талибан" Ауғанстандағы соғыс аяқталды деп жариялады. Бұл туралы "Талибан" қозғалысының саяси кеңсесінің ресми өкілі Мохаммад Наим мәлімдеді.

Мохаммад Наим Al Jazeera телеарнасына берген сұхбатында жаңа Ауғанстан үкіметінің басқару формасы жақын арада белгілі болатынын айтты.

"Алла қолдап, елдегі соғыс аяқталды. Біз ұмтылған нәрсеге қол жеткіздік, атап айтқанда, еліміздің бостандығы мен халқымыздың тәуелсіздігі. Біз ешкімге өз жерімізді пайдаланып, ешкімге шабуыл жасауға рұқсат бермейміз және басқаларға зиян келтіргіміз келмейді", - деді ол.

Кеше Ауғанстанды тәлібтер толық басып алып, ел билігі содырлардың қолына өткен еді.

Abai.kz