Дубайдың мұрагер ханзадасы шейх Хамдан бен Мұхаммед әл-Мактум Өзбекстанға құс аулау үшін келді. Науаи қаласында қонаққа арнайы аңшылық саяхат ұйымдастырылған. Бұл туралы ханзада өзінің Twitter-дегі парақшасында жазған. 

Науаи қаласынан 50 шақырым жерде дуадақ өсіру және консервациялау орталығы бар. Орталық 2008 жылы Дубай әмірі Мұхаммед ибн Рашид Аль Мактумның бастамасымен құрылған. Орталық жұмыс істеген жылдар ішінде орталық қызметкерлері 10 мыңға жуық дуадақты табиғатқа жіберген.

Өзбекстанда дуадақ аулау маусымы қыркүйек-қазан айларында өтеді. Сұлтанның отбасы мүшелері Өзбекстанға жиі аңшылыққа шығады. Олар Өзбекстанда соңғы рет 2020 жылдың қазан айында болған.

Abai.kz