Тоқаев: Қазақстан ТМД-ны қолдайды
Президент Қасым-Жомарт Тоқаев ТМД-ға қатысты өз ойын білдірді.
"ТМД құрылған 30 жыл ішінде әлемдік қауымдастық мойындаған беделді аймақтық ұйымға айналды. Қазақстан ТМД-ны қолдайды, оның қызметіне белсенді қатысады" деп жазды ол өзінің Туиттер парақшасында.
Тәуелсіз Мемлекеттер Достастығы ыдыраған КСРО орнына 1991 жылы, 21 желтоқсанда құрылған халықаралық ұйым. ТМД ұлттықтан жоғары ұйым болып табылмайды және өз қызметін ерікті негізде, оның мүшелерінің келісімімен жүзеге асырады. Көптеген сарапшы аталмыш ұйымды "өлі ұйым" деп санайды.
Abai.kz
