Ресейде ішінара жұмылдыру жарияланғаннан бері 400 мың ресейлік Қазақстанға өткен, деп хабарлады Еңбек және халықты әлеуметтік қорғау министрлігі.

«Ішінара мобилизация жарияланып, ресейліктер көптеп келе бастады. Сізде қазір деректер бар ма?», - деген сұраққа Еңбек және халықты әлеуметтік қорғау министрі Тамара Дүйсенова былай деп жауап берді:

– Бұл сұраққа Ішкі істер министрлігі жауап береді. Біз күн сайын алмасатын шұғыл деректер бойынша елге 400 мыңнан аса ресейлік келді. 323 мың ресейлік елден кетті. Әзірше, шамамен 100 мың ресейлік осында жүр. Енді еңбек мигранттарына тоқталсақ, бүгінде өткен жылдарды қосқанда 22 мың адам Қазақстанда жұмыс істеп жүр. Олар зейнетақы жарнасын аударады, - деді ол.

Abai.kz