Мамандар Ресейдің 74 аймағында шошқа тұмауы тіркелгенін мәлімдеді. Бұл туралы Роспотребнадзордың баспасөз қызметі хабарлады. Ресейде тұмау вирусының анықталған нұсқаларының ішінде шошқа тұмауы басым екені көрсетілген.

«Тұмау вирустары табылғандардың арасында Ресейдің 74 субъектісінде шошқа тұмауы деп аталатын A (H1N1)-2009 штаммы басым», - деп хабарлайды RT агенттігі. Сондай-ақ тұмаумен сырқаттанушылық өткен аптамен салыстырғанда 18,5%-ға өскені атап өтілді.

Қарашаның ортасында Роспотребнадзор Ресей Федерациясында тұмау вирусының үш қауіпті нұсқасының белсенділігінің артуы туралы ескерткен еді. A (H1N1) 2009, A (H3N2) және B нұсқалары Ресейде кең тарап жатқанын мәлімдеген болатын.

Abai.kz