АҚШ пен Польша Украина мәселесін талқылайды
АҚШ президенті Джо Байден 20-22 ақпанда Польшаға сапарламақ. Бұл туралы Ақ үй мәлімдеді.
Байден Польша көшбасшысы Анджей Дудамен және «Бухарест тоғыздығы» — НАТО-ның шығыс флангындағы ел көшбасшыларымен кездеседі.
АҚШ президенті поляк әріптесімен екіжақты ынтымақтастық мәселелерін, сондай-ақ Украинаны қолдау мәселесі бойынша ұжымдық бірігуді талқыламақ.
Байден Польшаға соңғы рет 2022 жылдың наурызында барған. АҚШ – НАТО-дағы Польша одақтастарының бірі, елде мыңдаған америкалық әскерилер бар. Польша Украинаға батыс қаруын жеткізудің хабы болып табылады.
Abai.kz
