Ішкі істер министрі Марат Ахметжанов Абай облысындағы өрттің неден шығуы мүмкін екенін айтты.

«Тергеу жүріп жатыр, өртті қолдан қойған деген нұсқа бар. Іс арнайы прокурорлардың қарауына берілді. ІІМ қызметкерлері де істі қарайтын топ ішінде, тергеудің қорытындысын күтейік. Мынадай нұсқалар бар: өртті біреу қолдан қойды; немқұрайлылықтың кесірінен болды немесе найзағай түсті. Сараптамалар мен іздестіру іс-шаралары жүргізілетін болады. Тергеуге екі ай уақыт берілді», - деді Ахметжанов.

Министр бұрынғы Төтенше жағдайлар министрі Юрий Ильиннің үстінен тексеріс жүргізілетінін де айтты.

«Президент Бас прокурорға тапсырма берді, соның шеңберінде тексеріс жүргізілетін болады. Өрт фактісі – бұл төтенше жағдай, қаза тапқандар бар, сондықтан қылмыстық іс аясында тексеру жүргізіледі»,-деді министр.

Abai.kz