Мекеме мәліметінше, Грузия аймағында және оған жақын елді-мекендерде атап айтқанда қазан-желтоқсан айларында азаматтық тәртіпсіздік ұйымдастыру көзделіп жатыр.

"Олар Еурокомиссияның Грузияның ЕО-ға кіру дайындығы мен болашағы жайлы баяндамасын жариялау қарсыңында операцияны бастамақ. Ұйымдастырушылар баяндама жағымсыз болады деп үміттенеді. Билікті "ресейшіл" деп атауы мүмкін тезистері халықты көтеруге негіз болады деп күтіп отыр", - делінген мәлімдемеде.

Бұл наразылықтың авторы ретінде Грузияның ішкі істер министрінің орынбасары болған Георгий Лорткипанидзені атап отыр. Ол қазір Украинаның әскери барлау бастығының орынбасары. Ұйымдастырушылар арасында Грузияның экс-президенті Михаил Саакашвилидің бұрынғы күзетшісі Михаил Батуриннің де аты аталады.

Әзірге Грузия арнайы қызметінің бұл мәлімдемесіне қатысты ешкім жауап бермеді.

Грузия билігі сонымен бірге бұл іс-қимыл батыс елдерінің қолдауымен жүзеге аспақ деген.

Соңғы 10 жылда Грузияны ресейшіл "Грузин арманы" партиясы билеп келеді. Бұл уақыт аралығында ел билігі оппозиция лидерлерін қамауға алып, экс-президент Михаил Саакашвилиді де түрмеге қамады. Грузиядағы бірнеше қарсылық акцияларын күшпен басып келді.

Abai.kz