Осыған дейін орыс азаматтығын алғандарды қазір құқық қорғау органдары іздеп жатыр. Егер оларды әскерге барудан бас тартса, орыс азаматтығынан айырмақ.
Қазір 80-нен астам орыс азаматтығын алған мигрант Ресейдің қарулы күштеріне қызмет ету үшін жіберілгені мәлім болған.
Тергеу комитетінің баспасөз қызметі әскерге барудан бас тартқан 12 адамға қарсы қылмыстық іс қозғалғанын мәлімдеді. Олардың бәрі Орталық Азияның тумасы.
Ресейде жыл соңына дейін әскерге 18 жастан 27 жасқа дейінгі азаматтар шақырылады. 2024 жылдың 1 қаңтарынан бастап әскерге шақыру мерзімі 30 жасқа дейін ұзартылады.
Ресейдің Қылмыстық кодексінде әскерден бас тартқандарды екі жылға дейін түрме жазасы қарастырылған.
Биыл жаз бойы Ресейде мигранттарға қарсы рейдтер жүрді. Мемлекеттік думада "армиядан қашқан бұрынғы мигранттарды азаматтығынан айыру жөніндегі" заң жобасы ұсынылған.
Ресми мәлімет бойынша, орыс азаматтығын алған қырғызстандықтар саны 600 мыңнан асады. Олардың бір бөлігі қырғыз паспортынан бас тартпаған.
Abai.kz
