وسىعان دەيىن ورىس ازاماتتىعىن العانداردى قازىر قۇقىق قورعاۋ ورگاندارى ىزدەپ جاتىر. ەگەر ولاردى اسكەرگە بارۋدان باس تارتسا، ورىس ازاماتتىعىنان ايىرماق.
قازىر 80-نەن استام ورىس ازاماتتىعىن العان ميگرانت رەسەيدىڭ قارۋلى كۇشتەرىنە قىزمەت ەتۋ ءۇشىن جىبەرىلگەنى ءمالىم بولعان.
تەرگەۋ كوميتەتىنىڭ ءباسپاسوز قىزمەتى اسكەرگە بارۋدان باس تارتقان 12 ادامعا قارسى قىلمىستىق ءىس قوزعالعانىن مالىمدەدى. ولاردىڭ ءبارى ورتالىق ازيانىڭ تۋماسى.
رەسەيدە جىل سوڭىنا دەيىن اسكەرگە 18 جاستان 27 جاسقا دەيىنگى ازاماتتار شاقىرىلادى. 2024 جىلدىڭ 1 قاڭتارىنان باستاپ اسكەرگە شاقىرۋ مەرزىمى 30 جاسقا دەيىن ۇزارتىلادى.
رەسەيدىڭ قىلمىستىق كودەكسىندە اسكەردەن باس تارتقانداردى ەكى جىلعا دەيىن تۇرمە جازاسى قاراستىرىلعان.
بيىل جاز بويى رەسەيدە ميگرانتتارعا قارسى رەيدتەر ءجۇردى. مەملەكەتتىك دۋمادا "ارميادان قاشقان بۇرىنعى ميگرانتتاردى ازاماتتىعىنان ايىرۋ جونىندەگى" زاڭ جوباسى ۇسىنىلعان.
رەسمي مالىمەت بويىنشا، ورىس ازاماتتىعىن العان قىرعىزستاندىقتار سانى 600 مىڭنان اسادى. ولاردىڭ ءبىر بولىگى قىرعىز پاسپورتىنان باس تارتپاعان.
Abai.kz
