Баяндамада Қырғызстанда әйелдердің биліктегі орны 20% аспайтыны, 13% әйелдер жақын адамдары тарапынан зорлық-зомбылыққа ұшырайтыны жазылған.

Индексте Өзбекстан 94-орынға жайғасса, Тәжікстан 90, Қазақстан 80-орында тұр. Түркіменстан Орталық Азиядағы әйелдер үшін қауіпсіз деп саналған ел ретінде 58-орынды иеленген.

Аталған индексте 170 елдегі әйелдердің ахуалы қамтылған. Әйелдер ахуалын Норвегияның сыртқы істер министрлігінің қолдауымен Джорджтаун институтының Гендерлік мәселелер, қауіпсіздік және бейбітшілік орталығы 13 категория бойынша - әйелдердің қоғамдағы, еңбек нарығындағы орнын, саясаттағы ахуалын, әлеуметтік қауіпсіздігін зерттеген.

WPS индексі бойынша Еуропадағы тоғыз: Норвегия, Дания, Финляндия, Исландия, Швеция, Швейцария, Люксембург, Австрия, Нидерланды және Жаңа Зеландия әйелдер үшін ең қауіпсіз, Оңтүстік Судан, Конго, Орталық Африка Республикасы, Ауғанстан және Йемен өте қауіпті елдер қатарында.

Қырғызстанда ресми мәлімет бойынша, әрбір төртінші әйел зорлық-зомбылыққа ұшырайды. Елдің ішкі істер министрлігі соңғы екі жылда тұрмыстық зомбылықтан 20 әйел қаза болғанын мәлімдеді.

Фото: ғаламтордан

Abai.kz