باياندامادا قىرعىزستاندا ايەلدەردىڭ بيلىكتەگى ورنى 20% اسپايتىنى، 13% ايەلدەر جاقىن ادامدارى تاراپىنان زورلىق-زومبىلىققا ۇشىرايتىنى جازىلعان.

يندەكستە وزبەكستان 94-ورىنعا جايعاسسا، تاجىكستان 90, قازاقستان 80-ورىندا تۇر. تۇركىمەنستان ورتالىق ازياداعى ايەلدەر ءۇشىن قاۋىپسىز دەپ سانالعان ەل رەتىندە 58-ورىندى يەلەنگەن.

اتالعان يندەكستە 170 ەلدەگى ايەلدەردىڭ احۋالى قامتىلعان. ايەلدەر احۋالىن نورۆەگيانىڭ سىرتقى ىستەر مينيسترلىگىنىڭ قولداۋىمەن دجوردجتاۋن ينستيتۋتىنىڭ گەندەرلىك ماسەلەلەر، قاۋىپسىزدىك جانە بەيبىتشىلىك ورتالىعى 13 كاتەگوريا بويىنشا - ايەلدەردىڭ قوعامداعى، ەڭبەك نارىعىنداعى ورنىن، ساياساتتاعى احۋالىن، الەۋمەتتىك قاۋىپسىزدىگىن زەرتتەگەن.

WPS يندەكسى بويىنشا ەۋروپاداعى توعىز: نورۆەگيا، دانيا، فينليانديا، يسلانديا، شۆەتسيا، شۆەيتساريا، ليۋكسەمبۋرگ، اۆستريا، نيدەرلاندى جانە جاڭا زەلانديا ايەلدەر ءۇشىن ەڭ قاۋىپسىز، وڭتۇستىك سۋدان، كونگو، ورتالىق افريكا رەسپۋبليكاسى، اۋعانستان جانە يەمەن وتە قاۋىپتى ەلدەر قاتارىندا.

قىرعىزستاندا رەسمي مالىمەت بويىنشا، ءاربىر ءتورتىنشى ايەل زورلىق-زومبىلىققا ۇشىرايدى. ەلدىڭ ىشكى ىستەر مينيسترلىگى سوڭعى ەكى جىلدا تۇرمىستىق زومبىلىقتان 20 ايەل قازا بولعانىن مالىمدەدى.

فوتو: عالامتوردان

Abai.kz