«Алдағы айлар Украина үшін өте тәуекелді болады»,- деп мәлімдеді Ақ үйдің Ұлттық қауіпсіздік кеңесіндегі стратегиялық коммуникациялар жөніндегі үйлестірушісі Джон Кирби брифингте.

Вашингтонның Киевке көмек көрсету үшін қосымша қаражат бөлуі туралы айта келе, Кирби: «Алдағы екі ай Украина үшін қиын болады», - деп атап өтті.

«Егер сіз қардың жаууынан ұрыс тоқтайды деп ойласаңыз, онда тағы да ойланыңыз», - деді ол.

Кирбидің айтуынша, украин әскерилері қандай қаруды қолдану керектігіне қатысты «қиын таңдау» жасауға мәжбүр, себебі олар «келесі жеткізілім қашан болатынын білмейді»:

Кирби сондай-ақ АҚШ президенті Джо Байденнің британдық премьер-министр Риши Сунакпен телефон арқылы сөйлескенін, онда Украинаға көмек көрсету тақырыбы көтерілгенін айтты:

«Олар сондай-ақ Украина туралы және Украинаның қазіргі кездегі қажеттілігі туралы, қосымша қаржыландыру және оның ұрыс алаңында өзін-өзі қорғау қабілетін қолдау туралы айтты», - деді Кибри.

Ақ үйдің айқын стратегиясы бар ма және Вашингтон Украина үшін қандай мақсаттарға қол жеткізгісі келеді? Бұл сұраққа Джон Кирби Ақ үйдің стратегиясы әрқашан ашық әрі айқын болғанын айтты.

«Біз Украинаның бұл соғыста жеңіске жетуін қалаймыз, біз гүлденген, егеменді Украинаны көргіміз келеді. Біз Украинаның халықаралық деңгейде мойындалған шекараларының барлығы, соның ішінде Путин мырза да толық мойындалуын қалаймыз. Біз осы мақсаттарға жету үшін Украинаның қолдауын жалғастыру мүмкіндігіне ие болғымыз келеді», - деді.

Енді майдандағы жағдайға көз жіберер болсақ:

Ресейліктер Авдеевкаға кірді. Авдеевканың оңтүстік-шығысындағы «Царская охота» қарулы күштерінің нығайтылған ауданын ресейліктер басып алғаннан кейін, РФ әскері қаланың өзіне кірді.

«Страна.ua» жазуынша, желіде ресейлік әскерилердің қаланың оңтүстік шетіндегі Спортивная, Соборная және Чернышевский көшелерінің бойымен жүріп-тұруы бейнеленген.

Американдық соғысты зерттеу институты анықтаған кадрларда ресейлік әскерлер «Царская охота» мейрамханасы маңында және Соборная көшесі бойында ілгерілегені көрінеді.

Сонымен қатар, украиналық әскери шолушы Константин Машовец ресейлік әскерлер Авдеевкада Колосов және Лермонтов көшелерімен қозғалғанын мәлімдеді.

Ресейлік телеграм-арналар Авдеевканың оңтүстігіндегі қарулы күштердің жоғалған позицияларын қайтару мақсатындағы күшті қарсы шабуылдары туралы жазады, бірақ РФ армиясы позициясын сақтап қалды деп мәлімдейді.

Украина бұған түсініктеме берген жоқ.

Ресейлік әскери жұртшылық келешекте Авдеевкадағы РФ армиясы бүкіл қала атылып жатқан «9-шы квартал» биік ғимараттарының секторларын басып алуға тырысады деп болжайды. Бірақ, Украина Қарулы Күштері де ресейліктерді қаладан шығарып жіберуге тырысып, қарсы шабуыл жасауда.

Әрине оны уақыт көрсетеді. Батыстың сылбырлығы Украинаны ауыр жағдайға қалдырып отырғаны жасырын емес.

Abai.kz