Ғылым және жоғары білім министрлігінің хабарлауынша Қазақстанда биылдан бастап жоғары оқу орындарына қабылдауға арналған жаңа 2 квота түрі енгізілді.

Жаңадан енгізілетін квоталар: 

• әскерге шақыру бойынша мерзімді әскери қызметтің белгіленген мерзімін өткерген Қазақстан азаматтары үшін – 1 пайыз;
• жаһандық немесе өңірлік ауқымдағы әлеуметтік, табиғи және техногендік сипаттағы төтенше жағдайлар туындаған жерде зардап шеккен азаматтар үшін – 20 пайыз.

Бұл квота түрлері үкімет басшысының өкіміне сәйкес қолданысқа енгізіледі.

Естеріңізде болса бұған дейін үкімет басшысы Олжас Бектенов Сенат депутаттарының сауалына берген жауабында су басқан өңір түлектеріне арналған квота туралы хабарлаған болатын. Бұл квота бойынша биыл 12 528 грант бөлінді.

Abai.kz