АҚШ-тың Таяу Шығыстағы ахуалды тұрақтандыру жөніндегі бастамасына қатысты Қазақстан Республикасы Сыртқы істер министрлігі түсініктеме берді. Бұл туралы Abai.kz хабарлайды.

Қазақстан Ақ үйдің Израиль мен ХАМАС арасындағы бейбітшілік бастамасын қолдайды.

“Ақ үйдің Израиль мен ХАМАС арасындағы атысты тоқтату, кепілге алынған адамдарды босату, гуманитарлық көмекті қамтамасыз ету, сонымен қатар халықаралық қоғамдастықтың қолдауымен Газа секторын қалпына келтіру жайлы негізгі ережелерден тұратын бейбітшілік бастамасын құптаймыз. Ұсынылған шаралар жүзеге асырылған жағдайда, олар бейбіт тұрғындардың қазасы мен құрбандар санын тоқтатуға мүмкіндік береді, сонымен қатар өңірде бейбітшілік орнауының алғышарты бола алады деген үміт білдіреміз”, – делінген хабарламада. 

Abai.kz